Youth Skills Training - Odisha Skill Development Authority|Employer Speak

ସିପି ଗୁରନାନି

ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟକାରୀ ଅଧିକାରୀ, ଟେକ ମହିନ୍ଦ୍ରା

ଟେକ ମହିନ୍ଦ୍ରା ୨୨ ବର୍ଷରୁ ଅଧିକ ସମୟ ଧରି ଓଡ଼ିଶାରେ କାର୍ଯ୍ୟ କରୁଛି। ଆମର ୧୫୦୦ ରୁ ଅଧିକ ଆସୋସିଏଟ୍ ଆଇଟି ଓ ଆଇଟିଇଏସ କ୍ଷେତ୍ରରେ କାର୍ଯ୍ୟ କରୁଛନ୍ତି। ସ୍ଥାନୀୟ ପ୍ରତିଭାଙ୍କ ବିକାଶ ପାଇଁ ଆମେ ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟ ସହ ମିଶି କାର୍ଯ୍ୟ କରୁଛୁ, ଯେଉଁମାନେ ଆମ ମାନବ ସମ୍ବଳରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଏହି ପରିପ୍ରେକ୍ଷୀରେ ଆମ ଗ୍ରାହକ ମାନଙ୍କ ଠାରୁ ବହୁତ ଭଲ ପ୍ରତିକ୍ରିୟା ମିଳୁଛି ଯାହା ଆଗାମୀ ପିଢୀ ପାଇଁ ପ୍ରଯୁକ୍ତିବିଦ୍ୟାର ଲାଭ ଉଠାଇ କିଛି ନୂଆ ଶିଖି କିଛି ନୂଆ କରି ଦେଖାଇବାର ଇଚ୍ଛା ଦିଗରେ ସ୍ଥାନୀୟ ପ୍ରତିଭାଙ୍କ ଯୋଗ୍ୟତାର ସ୍ପଷ୍ଟ ପ୍ରମାଣ ପ୍ରଦାନ କରେ। ଭବିଷ୍ୟତର କାର୍ଯ୍ୟବଳ ସୃଷ୍ଟି ଦିଗରେ ସ୍ଥାନୀୟ ପ୍ରତିଭାଙ୍କ ସହ ଯୋଡି ହେବା ଦିଗରେ ଏକ ପଦକ୍ଷେପ ଗ୍ରହଣ କରିଛି। ଏହା ମାଧ୍ୟମରେ ଟେକ ମହିନ୍ଦ୍ରା ଫାଉଣ୍ଡେସନ, କର୍ପୋରେଟ ସାମାଜିକ ଉତ୍ତରଦାୟିତ୍ଵ ଶାଖା ୨ ଟି କେନ୍ଦ୍ର ସହିତ ଭୁବନେଶ୍ବରରେ ୨୦୧୩ ମସିହାରେ ସ୍ମାର୍ଟ (ସ୍କିଲ ଫର ମାର୍କେଟ ଟ୍ରେନିଂ ) କାର୍ଯ୍ୟକ୍ରମ ଆରମ୍ଭ କରିଛି। ଆଜି ଆମେ ଓଡ଼ିଶାରେ ୫୦୦୦ ପେଶାଦାରଙ୍କୁ କୌଶଳ, ... ଲଜିଷ୍ଟିକ,ରିଟେଲ, ହେଲଥ କେୟାର ଓ ଆଇଟିଇଏସ କ୍ଷେତ୍ରରେ ଆର୍ଥିକ ବର୍ଷ ୨୦ ସୁଦ୍ଧା ରୋଜଗାର ପ୍ରଦାନ ଉଦ୍ଦେଶ୍ୟରେ ୭ ଟି ସ୍ମାର୍ଟ କେନ୍ଦ୍ର ପରିଚାଳନା କରୁଛୁ।

ମାସୁଦ ହୁସେନୀ

ଏରୋଷ୍ଟ୍ରକଚର ଆଣ୍ଡ ଏରୋ-ଇଞ୍ଜିନ ମୁଖ୍ୟ, ଟାଟା ଏରୋସ୍ପେସ ଆଣ୍ଡ ଡ଼ିଫେନ୍ସ

ଟାଟା ଆଡ଼ଭାନ୍ସ ସିଷ୍ଟମ ଲିମିଟେଡ ଏହାର ଆରମ୍ଭ ଦିନଠାରୁ ଓଡ଼ିଶାର ଦକ୍ଷତା ଶିକ୍ଷାନୁଷ୍ଠାନଗୁଡିକ ସହ ଜଡିତ। ସ୍କିଲ୍ଡ ଏୟାରକ୍ରାଫ୍ଟ ଏବଂ ଏରୋଇଞ୍ଜିନ ନିର୍ମାଣ ପାଇଁ ସହାୟକଙ୍କ ଠାରୁ ଆରମ୍ଭ କରି ମ୍ୟାନେଜମେଣ୍ଟ ଟ୍ରେନି ପର୍ଯ୍ୟନ୍ତ ଆମେ ଓଡିଶାର ଆଇଟିଆଇ ଏବଂ ପଲିଟେକ୍ନିକ ଗୁଡିକରୁ ନିଯୁକ୍ତି ପ୍ରଦାନ କରିଛୁ। ଓଡିଶାର ଦକ୍ଷ ଯୁବବର୍ଗଙ୍କ ପାଖରେ ଆମେ କେବଳ ଦକ୍ଷତା ନୁହେଁ, ଉଚିତ ମୂଲ୍ଯବୋଧ,ନିଷ୍ଠା , ନମ୍ରତା ଏବଂ ପରିସ୍ଥିତି ସହ ଖାପ ଖୁଆଇବାର ଦକ୍ଷତା ବହୁ ଭାବରେ ଦେଖିବାକୁ ମିଳେ। ସେମାନେ ଟାଟାର ମୂଲ୍ଯବୋଧ ଏବଂ ଚଳଣିକୁ ଆଗକୁ ଆପଣେଇବା ସହ ଆମ ଅନୁଷ୍ଠାନର ବାର୍ତ୍ତାବହରୂପେ କାର୍ଯ୍ୟ କରୁଛନ୍ତି। ଟାଟା ଆଡ଼ଭାନ୍ସ ସିଷ୍ଟମର ଉନ୍ନତିରେ ଓଡ଼ିଶାର କର୍ମଚାରୀମାନଙ୍କ ଅବଦାନ ଅତୁଳନୀୟ। ଆମର ବ୍ୟବସାୟ ବୃଦ୍ଧି ଏବଂ ଉନ୍ନତି ପାଇଁ, ଆମେ ଭବିଷ୍ୟତରେ ମଧ୍ୟ ଓଡିଶାରୁ ଦକ୍ଷ କର୍ମଚାରୀଙ୍କ ସାହାଯ୍ଯ ଆବଶ୍ୟକ ... କରିବୁ।

ସୁଧୀର ଢିଙ୍ଗରା

ଅଧ୍ୟକ୍ଷ, ଓରିଏଣ୍ଟ କ୍ରାଫଟ୍ସ

‘ଓରିଏଣ୍ଟ କ୍ରାଫ୍ଟରେ ଆମେ ୨୦୧୩ ମସିହାରୁ ବିଗତ ୪ ବର୍ଷଧରି ଓଡିଶାର ପାଖାପାଖି ୪୦୦୦ ପିଲାଙ୍କୁ ତାଲିମ ଦେଇ ସାରିଲୁଣି। ସେମାନଙ୍କ ମଧ୍ୟରୁ କିଛି ଓରିଏଣ୍ଟ କ୍ରାଫ୍ଟରେ ନିଯୁକ୍ତି ପାଇଥିବା ବେଳେ ଅନେକ ପିଲା ନାମିଦାମି ପୋଷାକ ନିର୍ମାତା କମ୍ପାନୀରେ ନିଯୁକ୍ତି ପାଇଛନ୍ତି। ଓଡିଶାର କର୍ମୀମାନେ ଶାନ୍ତିପୂର୍ଣ୍ଣ, କଠୋର ପରିଶ୍ରମୀ ଏବଂ ଆନ୍ତରିକତାର ସହ କାର୍ଯ୍ୟ ... କରିଥାନ୍ତି।’

ହରିଶ ଆହୁଜା

ପରିଚାଳନା ନିର୍ଦ୍ଦେଶକ, ଶାହୀ ଏକ୍ସପୋର୍ଟ୍ସ

ଶାହୀ ଗ୍ରୁପର ବାଙ୍ଗାଲୁରୁ ରେ ଥିବା କାରଖାନାରେ ଓଡିଶାରୁ ୧୦୦୦୦ କୁଶଳୀ କାରିଗର କାମ କରୁଛନ୍ତି। ଏତଦ ବ୍ୟତିତ, ମଞ୍ଚେଶ୍ଵର , ଭୁବନେଶ୍ବର ଥିବା ୟୁନିଟରେ ମଧ୍ୟ ପାଖପାଖି ୨୪୦୦ ଜଣ କାମ କରୁଛନ୍ତି। ମୁଁ ଗର୍ବର ସହ କହିପାରେ ଯେ ଓଡିଶା ରେ ଦକ୍ଷ କାରିଗର ମାନେ ବିଶ୍ବସ୍ତ, ଶୃଙ୍ଖଳିତ ଏବଂ କଠିନ ପରିଶ୍ରମୀ। ସେମାନେ ନିଜ କାମକୁ ନିଷ୍ଠାପର ଭାବେ କରନ୍ତି।

ରାଧା ବସୁ

ସିଇଓ ଏବଂ ପ୍ରତିଷ୍ଠାତା, ଆଇ-ମେରିଟ

‘ଓଡିଶାର ଭୁବନେଶ୍ବରରେ ଆମର ଶାଖା ଖୋଲିବା ଏକ ଭଲ ନିଷ୍ପତି ଥିଲା। ଓଡିଶାର ଯୁବଗୋଷ୍ଠୀଙ୍କ ଆଖିରେ ଶିଖିବା, ଆଗକୁ ବଢିବାର ମନୋବୃତ୍ତି ଓ ଡିଜିଟାଲ ଅର୍ଥବ୍ୟବସ୍ଥାରେ ଅବିଛିନ୍ନ ଅଙ୍ଗ ହେବାପାଇଁ ଥିବା ପ୍ରବଳ ଇଚ୍ଛା ସ୍ପଷ୍ଟ ବାରି ହୋଇପଡେ। ସମସ୍ତଙ୍କୁ ଏକାଠି ନେଇ କାମ କରେଇବାର ମନୋବୃତ୍ତି ସେମାନଙ୍କୁ ଅନ୍ୟମାନଙ୍କ ଠାରୁ ଭିନ୍ନ କରିଥାଏ। ଆରମ୍ଭରୁ ସେମାନଙ୍କ ସହଯୋଗରେ ଆମେ କ୍ଷିପ୍ରଗତିରେ ଆଗକୁ ବଢୁଛୁ। ତିନି ମାସ ମଧ୍ୟରେ ଆମ ସଦସ୍ୟ ସଂଖ୍ୟା ୬୪ ରୁ ୧୩୦କୁ ବୃଦ୍ଧି ହୋଇଛି। ସେମାନଙ୍କୁ ସାଙ୍ଗରେ ନେଇ ଆମେ ଉନ୍ନତି କରୁଛୁ ଏବଂ ଆଗାମୀ ଦିନରେ ଆମେ ଆହୁରି ସଫଳତା ହାସଲ କରିବୁ ବୋଲି ଆଶା ... ରଖିଛୁ।’

ରାଜା ଏମ ଶାନ୍ମୁଘମ

ସଭାପତି, ତିରୁପୁର ରପ୍ତାନିକାରୀ ସଂଘ

‘ଓଡିଶାର ପ୍ରତିଭା ଓ କୁଶଳୀ କର୍ମୀମାନଙ୍କୁ ନିଯୁକ୍ତି ଦେବାରେ ତିରୁପୁର ରପ୍ତାନିକାରୀ ସଂଘର ଦୀର୍ଘ ଇତିହାସ ରହିଛି। ଆମ ସଫଳତାର କାହାଣୀରେ ସେମାନଙ୍କ ଭୂମିକା ଅନେକ ଗୁରୁତ୍ୱପୂର୍ଣ୍ଣ। ଆମ ପ୍ରଗତିରେ ସେମାନଙ୍କୁ ସହଯୋଗୀ ଏବଂ ପରିବାରର ସଦସ୍ୟ ଭାବେ ଗ୍ରହଣ କରିଛୁ। ଆମେ ବିଶ୍ଵରେ ଉନ୍ନତମାନର ପୋଷାକ ନିର୍ମାଣ କରୁଛୁ ଏବଂ ଆମେ ବିଶ୍ଵର ଶ୍ରେଷ୍ଠ ବ୍ରାଣ୍ଡ ପ୍ରସ୍ତୁତ କରିବା ପାଇଁ ଚେଷ୍ଟା କରୁଛୁ। ଆମ ଉନ୍ନତିରେ ଓଡିଶାର କୁଶଳୀ ଶ୍ରମିକମାନଙ୍କ ସହଯୋଗ ନିହାତି ... ପ୍ରଶଂସନୀୟ।’

ନବୀନ ଜିନ୍ଦଲ

ଚେୟାରମାନ, ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ

ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ ଗତ କିଛି ଦଶନ୍ଧି ଧରି ଓଡ଼ିଶାରେ କାମ କରିଆସୁଛି, ସେ ଆଧାରରେ ମୁ଼ଁ ନିଶ୍ଚିତ କହିବାକୁ ଚାହିଁବି ଯେ ଓଡିଶାର କର୍ମକୁଶଳୀ ମାନେ କାମ କରିବାକୁ ସବୁବେଳେ ଇଛୁକ ଏବଂ ଆମ କମ୍ପାନୀର କର୍ମଚାରୀଙ୍କ ସହ ତାଳ ମିଳାଇ କାମ କରିବାରେ ଧୁରନ୍ଧର। ଓଡିଶାରେ ଥିବା ଆମ କମ୍ପାନୀ ଗୁଡିକରେ କାମ କରୁଥିବା କର୍ମଚାରୀମାନଙ୍କ ଦକ୍ଷତା, କର୍ମ ମନୋଭାବ ଏବଂ ନୈତିକତା ବହୁ ଉଚ୍ଚକୋଟିର।ସତ କହିବାକୁ ଗଲେ ମତେ ଲାଗେ ଯେ ଓଡ଼ିଶାର ଯୁବାବର୍ଗ ଦେଶ ଭିତରେ ସବୁଠାରୁ ଉତ୍କୃଷ୍ଟ। ସେମାନେ ବହୁତ ପ୍ରତିଯୋଗିତାମୂଳକ, ପ୍ରଶଂସନୀୟ ଏବଂ କରୁଥିବା କାର୍ଯ୍ୟରେ ନିଜର ଶତ ପ୍ରତିଶତ ଦେବାରେ ବିଶ୍ବାସ ... କରନ୍ତି।

ଭରଗୀଜ ଚେରିଆନ

ଅଧ୍ୟକ୍ଷ, ଏସଡିଆଇ ଭୁବନେଶ୍ବର ଏବଂ ନିର୍ଦ୍ଦେଶକ(ଏଚଆର), ଇଣ୍ଡିଆନ ଅଏଲ

‘ବିଗତ ଏକ ବର୍ଷ ମଧ୍ୟରେ ହୋଇଥିବା ଅଭିଜ୍ଞତାରୁ କହୁଛି, ଓଡିଶାର ବିଦ୍ୟାର୍ଥୀମାନଙ୍କ ମଧ୍ୟରେ ଶିଖିବାର କ୍ଷମତା ଓ ଉଚ୍ଚସ୍ତରୀୟ କାମ କରିବାର ନୈତିକତା ଭରି ରହିଛି। ନିଜ ଜ୍ଞାନ ବଢାଇବା ପାଇଁ ସେମାନେ ଅଧିକ କାମ କରିବାକୁ ମଧ୍ୟ ପ୍ରସ୍ତୁତ। ଅନେକ ନିଯୁକ୍ତି ସୁଯୋଗ ସେମାନଙ୍କ ପାଇଁ ରହିଛି। କମ୍ପାନୀରେ ନିଯୁକ୍ତି ପାଇବା ପାଇଁ ସେମାନଙ୍କୁ ସକ୍ଷମ କରେଇବାକୁ ଏସଡିଆଇ ଭୁବନେଶ୍ବର ଗୁରୁତ୍ଵ ... ଦେଉଛି।’

ଅନୁରାଗ ଶ୍ରୀବାସ୍ତବ

ସି ଏସ ଆର ମୁଖ୍ୟ, ସିସ୍କୋ ଇଣ୍ଡିଆ

ସିସ୍କୋର ଗ୍ଲୋବାଲ୍ ସିଏସ୍ଆର୍ ପ୍ରୋଗ୍ରାମ 'ସିସ୍କୋ ନେଟୱାର୍କିଙ୍ଗ୍ ଏକାଡେମୀ' ପାଖାପାଖି ଦୁଇ ବର୍ଷଧରି ଓଡିଶାରେ କାମ କରି ଆସୁଛି। ସିସ୍କୋ ,ଓଡିଶା ଦକ୍ଷତା ବିକାଶ ପ୍ରାଧିକରଣ ଏବଂ ଏସ୍ ସି ଟି ଭି ଇ ଟି, ଓଡିଶା ସରକାରଙ୍କ ସହ ସ୍ଵାକ୍ଷର କରିଥିବା ବୁଝାମଣା ପତ୍ର ଅନୁଯାୟୀ ରାଜ୍ୟର ସମସ୍ତ ସରକାରୀ ଓ ବେସରକାରୀ ପଲିଟେକନିକ୍ସ ଅନୁଷ୍ଠାନ ଏବଂ ସରକାରୀ ଶିଳ୍ପ ତାଲିମ କେନ୍ଦ୍ର ଗୁଡିକୁ ସିସ୍କୋ ନେଟୱାର୍କିଂ ଏକାଡେମୀ ପ୍ରୋଗ୍ରାମର ଗ୍ଲୋବାଲ୍ ନେଟୱାର୍କରେ ଅନ୍ତର୍ଭୁକ୍ତ କରିବା। ଆମ ପାଇଁ ଆଶ୍ଚର୍ଯ୍ୟ ଓ ଖୁସିର କଥା ଏହି କାର୍ଯ୍ୟକ୍ରମରେ ଅନ୍ତର୍ଗତ ନେଟ୍‌ୱାର୍କିଂ, ଆଇଟି ଏବଂ ସାଇବର୍‌ ସିକ୍ୟୁରିଟି ଭଳି ବିଭିନ୍ନ ପାଠ୍ୟକ୍ରମରେ ନାମଲେଖା ଦୃଷ୍ଟିରୁ ଏବେ ଓଡିଶା ଭାରତର ଶ୍ରେଷ୍ଠ ତିନୋଟି ରାଜ୍ୟ ମଧ୍ୟରେ ସ୍ଥାନିତ ହୋଇପାରିଛି ।ମୁଁ ବ୍ୟକ୍ତିଗତ ଭାବରେ ବହୁତ ଖୁସି ଯେ ନେଟାକାଡ ଛାତ୍ରଛାତ୍ରୀଙ୍କ ପାଇଁ ସ୍ଵତନ୍ତ୍ର ଭାବେ କରାଯାଇଥିବା କ୍ୟାମ୍ପସ ନିଯୁକ୍ତି କାର୍ଯ୍ୟକ୍ରମରେ ଆମେ ଓଡିଶାରୁ ୧୨ ଜଣ ଛାତ୍ରଛାତ୍ରୀଙ୍କୁ ନିଯୁକ୍ତି ଦେଇଛୁ ଯେଉଁମାନେ ବର୍ତ୍ତମାନ ... ଭାରତରେ ଥିବା ସିସ୍କୋ ମୁଖ୍ୟାଳୟରେ କାର୍ଯ୍ୟ କରୁଛନ୍ତି। ଓଡିଶାର ଏହି ଦକ୍ଷ’ ଯୁବକ ଓ ଯୁବତୀମାନଙ୍କର ସେମାନଙ୍କ କାର୍ଯ୍ୟ ପ୍ରତି ଆହେତୁକ ଆଗ୍ରହ ରହିଛି ଏବଂ ଆମେ ସେମାନଙ୍କୁ ଆମର ସାମାଜିକ ପଦକ୍ଷେପଗୁଡ଼ିକର ବ୍ରାଣ୍ଡ୍‌ ଆମ୍ବାସାଡର୍‌ ଭାବେ ଦେଖିବାକୁ ଚାହିଁ ରହିଛୁ।|

ଟି ଭି ନରେନ୍ଦ୍ରନ

କାର୍ଯ୍ୟନିର୍ବାହୀ ନିର୍ଦ୍ଦେଶକ, ଟାଟା ଷ୍ଟିଲ

‘ନିକଟରେ କଳିଙ୍ଗନଗରରେ ପ୍ରତିଷ୍ଠା ହୋଇଥିବା ଆମ ଗ୍ରୀନ-ଫିଲ୍ଡ ପ୍ଲାଣ୍ଟରେ ବିଭିନ୍ନ କୁଶଳୀ, ଅଣକୁଶଳୀ ଏବଂ ସୁପରଭାଇଜର ପଦବୀରେ ଓଡିଶାର ପାଖାପାଖି ୨୦୦୦ ଜଣଙ୍କୁ ନିଯୁକ୍ତି ଦେଇଛୁ। ଅନ୍ୟ ରାଜ୍ୟର ପ୍ରତିଭାଙ୍କ ତୁଳନାରେ ଏମାନେ କୌଣସି ଗୁଣରେ କମ ନୁହନ୍ତି ବୋଲି ଆମେ ଅନୁଭବ କରିଛୁ। ଟାଟା ଷ୍ଟିଲର ମୂଲ୍ୟବୋଧ ବଜାୟ ରଖିବା ସହିତ ଏମାନଙ୍କ ଶିଖିବା ଓ ନିଜକୁ ଉପଯୋଗୀ କରିବାରର ମନୋବୃତ୍ତି ବାସ୍ତବରେ ଉଚ୍ଚ ପ୍ରଶଂସନୀୟ। ଆମ ବିକାଶରେ ସେମାନେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିଭାଇବେ ବୋଲି ମୋର ... ବିଶ୍ଵାସ।’

ମିଲଟନ ଆମବ୍ରୋସ ଜନ

ପରିଚାଳନା ନିର୍ଦ୍ଦେଶକ, କଟନ ବ୍ଲସମ (ଇଣ୍ଡିଆ) ପ୍ରାଇଭେଟ ଲିମିଟେଡ଼

ସମଗ୍ର ପୋଷାକ ନିର୍ମାତାଙ୍କ ତରଫରୁ ମୁଁ ଦୃଢତାର ସହ କହିପାରେ ଯେ ଓଡିଶାର କାରିଗରଙ୍କର ଦକ୍ଷତା ସର୍ବୋତ୍ତମ।ଆମେ ଓଡିଆ କାରିଗରଙ୍କ ସହ ଆମେ ଦୀର୍ଘ ୯ ବର୍ଷ ହେଲା କାମ କରିଆସୁଛୁ। ମୁ ଅତ୍ୟନ୍ତ ଖୁସୀର ସହ କହିପାରେ କି ସେମାନଙ୍କର କାର୍ଯ୍ୟ ନୀତି ଉଚ୍ଚକୋଟୀର ,ସେମାନେ କଠିନ ପରଶ୍ରମୀ। ଦେଶର ପୋଷାକ କ୍ଷେତ୍ର ରେ ଓଡିଆ କାରିଗରଙ୍କ ପ୍ରତିଦାନ ଉଲ୍ଲେଖନୀୟ।

ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଓଡ଼ିଶା ସରକାର

ଖୋଜିଥିବା ଶବ୍ଦ

ସବୁ ଠାରୁ ଲୋକପ୍ରିୟ ପୃଷ୍ଠା

କ’ଣ କୁହନ୍ତି ନିଯୁକ୍ତିଦାତା