ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଓଡ଼ିଶା ସରକାର
ଅନନ୍ତ କୁମାର ମହନ୍ତଙ୍କ ଘର ସୁନ୍ଦରଗଡ ଜିଲ୍ଲା ରାଉରକେଲା ନିକଟସ୍ଥ ଲହୁଣୀପଡାରେ । ଆର୍ଥିକ ସଙ୍କଟ ଯେପରି ତାଙ୍କ ଦୈନନ୍ଦିନ ଜୀବନର ଏକ ଅଂଶ ପାଲଟି ଯାଇଥିଲା । ଏମିତି କୌଣସି ଦିନ ନଥିଲା ଯେବେ ତାଙ୍କର ଅସୁବିଧା ହୋଇନଥିଲା । ସଂଘର୍ଷ କରି ସମସ୍ତ ପ୍ରକାର ଆହ୍ୱାନର ମୁକାବିଲା କରିବାରେ ଅନନ୍ତ ... ଆଜି ସକ୍ଷମ ହୋଇପାରିଛନ୍ତି ।ପରିବାରର ଆର୍ଥିକ ସଙ୍କଟ କାରଣରୁ, ଖଣ୍ଡେ ଚାକିରି କରିବା ତାଙ୍କର ମୂଳ ଉଦ୍ଦେଶ୍ୟ ଥିଲା | ସେ ଜାଣିଥିଲେ, ସେ ମହଙ୍ଗା ଡିଗ୍ରୀ ହାସଲ କରି ପାରିବେ ନାହିଁ କିନ୍ତୁ ସେ ଉପଲବ୍ଧ କରି ପାରିଥିଲେ ଯେ ଯେକୌଣସି କ୍ଷେତ୍ରରେ ଉପଯୁକ୍ତ ତାଲିମ ବିନା ଭଲ ବେତନ ଭିତ୍ତିକ ନିଯୁକ୍ତି ପାଇବା କଷ୍ଟକର |ଏହିପରି ଭାବେ, ସେ ରାଉରକେଲା ସହରର ସରକାରୀ ଶିଳ୍ପ ତାଲିମ ପ୍ରତିଷ୍ଠାନରେ ୨୦୧୦-୧୨ ଶିକ୍ଷାବର୍ଷରେ ମେକାନିକ୍ ରେଫ୍ରିଜରେଜେସନ୍ ଏବଂ ଏୟାର କଣ୍ଡିସନର ଟ୍ରେଡ୍ରେ ନାମ ଲେଖାଇଥିଲେ । ଭଲ କଠୋର ତାଲିମ ଯୋଗୁଁ ସେ ୱର୍ଲପୁଲ୍ରେ ଆପ୍ରେଣ୍ଟିସିପ୍ ପାଇପାରିଲେ, ଯେଉଁଠାରେ ସେ ଏକ ବର୍ଷ କାମ କରିଥିଲେ | ସେଠାରୁ ଭଲ ମୂଲ୍ୟବାନ ଅଭିଜ୍ଞତା ପାଇପାରିଥିଲେ କିନ୍ତୁ ତାଙ୍କ ପାଇଁ ଗୁରୁତ୍ୱପୂର୍ଣ୍ଣ ଥିଲା ଅର୍ଥ । ପରିବାର ଚଳାଇବା କଷ୍ଟ ହେଉଥିଲେ ସୁଧା ୧୫୦୦ ଟଙ୍କା ବେତନରେ ସେଠାରେ କାମ କରିଥିଲେ । ତା’ପରେ ସେ ଏକ ଘରୋଇ ସଂସ୍ଥା ସହିତ କାମ କରିବାକୁ ସ୍ଥିର କଲେ, କାରଣ ତାଙ୍କର ଭରସା ଥିଲା ଯେ ପ୍ରତ୍ୟେକ ଯନ୍ତ୍ର ସ୍ଥାପନ ଓ ମରାମତି ପାଇଁ ୧୦୦ ରୁ ୨୦୦ ଟଙ୍କା ରୋଜଗାର କରି ପାରିବେ ଏବଂ ତାଙ୍କ ପରିବାର ଭଲରେ ଚାଲିପାରିବ ।ସେଠାରେ ସେ ଶ୍ରୀ ନିହାର ରଂଜନ ପ୍ରଧାନ ନାମକ ଟ୍ରେଡ୍ ପ୍ରଶିକ୍ଷକଙ୍କ ସହ ଭେଟିଥିଲେ । ଆଇଟିଆଇ ରାଉରକେଲାର ଅଧ୍ୟକ୍ଷ ଅନନ୍ତଙ୍କ ନାମକୁ ଓଡିଶା ଦକ୍ଷତା ବିକାଶ ପ୍ରାଧିକରଣର ନାନୋ ୟୁନିକର୍ଣ୍ଣ ଯୋଜନା ପାଇଁ ସୁପାରିଶ କରିଥିଲେ। ଅନନ୍ତ ମନୋନୀତ ହୋଇଥିଲେ ଏବଂ ଶେଷରେ ୨୦୧୭-୧୮ ଆର୍ଥିକ ବର୍ଷରେ ପାଞ୍ଚ ଦିନର ଉଦ୍ୟୋଗୀ ତାଲିମ ନେଇଥିଲେ ।ନାନୋ ୟୁନିକର୍ଣ୍ଣରୁ ପାଇଥିବା ଆର୍ଥିକ ସହାୟତାରେ ଅନନ୍ତ ଲହୁଣୀପଡା ନିକଟରେ ନିଜର ଏକ ଇଲେକ୍ଟ୍ରନିକ୍ସ ଏବଂ ରେଫ୍ରିଜରେଜେସନ୍ ୟୁନିଟ୍ ଆରମ୍ଭ କରିଥିଲେ । ଏକ ସଫଳ ବ୍ୟବସାୟ ଆରମ୍ଭ କରିବା ପାଇଁ ଅଭିଜ୍ଞତା ଏବଂ କୌଶଳର ଆବଶ୍ୟକତା ଥିଲା, ଯାହା ତାଙ୍କ ନିକଟରେ ଥିଲା । ସେ ସଫଳତା ଆଡକୁ ନିଜର ଯାତ୍ରା ଆରମ୍ଭ କରିଥିଲେ । ଦୋକାନ ଖୋଲିବାର ପନ୍ଦର ଦିନରେ ତାଙ୍କ ବାପାଙ୍କର ଦେହାନ୍ତ ହୋଇଗଲା । ଯାହା ତାଙ୍କୁ ଶକ୍ତ ଧକ୍କା ଦେଇଥିଲା । ଏହି ଦୁଃଖରୁ ଅହରିବା ପାଇଁ ତାଙ୍କୁ ପ୍ରାୟ ଛଅ ମାସ ସମୟ ଲାଗି ଯାଇଥିଲା । ବାପାଙ୍କର ସ୍ୱପ୍ନ ପୂରଣ କରିବା ଲକ୍ଷ୍ୟରେ ଏହି ମହାମାରୀ ସମୟରେ ଦିନରାତି ଏକ କରି ବ୍ୟବସାୟକୁ ଆଗକୁ ବଢାଇବା ପାଇଁ ପ୍ରୟାସ ଜାରି ରଖିଛନ୍ତି ।ସେ କୁହନ୍ତି: “ଟଙ୍କା ଆପଣଙ୍କୁ କେବେ ଶିକ୍ଷା, କୌଶଳ ଏବଂ ଅଭିଜ୍ଞତା କିଣି ଦେଇ ପାରିବ ନାହିଁ | କେବଳ ଜୀବନ ଆପଣଙ୍କୁ ଶିକ୍ଷା ଦେଇଥାଏ ଯାହା ମାଗଣା ଏବଂ ଅବିସ୍ମରଣୀୟ ”| ଅନନ୍ତ ତାଙ୍କ ବ୍ୟବସାୟ ମାଧ୍ୟମରେ ସମାଜ ସେବା କରିବା ଯାତ୍ରା ଜାରି ରଖିଛନ୍ତି |
ନାନୋ ୟୁନିକର୍ଣ୍ଣ ପ୍ରକଳ୍ପ “ସ୍କିଲ୍ଡ ଇନ ଓଡିଶା” ଅଧୀନରେ ଏକ ସ୍ଵତନ୍ତ୍ର ଉଦ୍ୟମ, ଯେଉଁଥିରେ ରାଜ୍ୟରେ ଔଦ୍ୟୋଗିକ ପ୍ରତିଭା ଚିହ୍ନଟ କରି ସେମାନଙ୍କୁ ଫିଲାନଥ୍ରପିକ କ୍ୟାପିଟାଲ ସହ ଯୋଡିବା ମୂଳ ଲକ୍ଷ। ଏହାର ପରିଣାମ ସ୍ୱରୂପ କ୍ଷୁଦ୍ର ସ୍ଥାନୀୟ ବ୍ୟବସାୟ କେବଳ ଅର୍ଥନୀତି ବିକାଶ କରେ ତାହା ନୁହେଁ ବରଂ ନିଯୁକ୍ତି ସୁଯୋଗ ସୃଷ୍ଟି କରେ।
ବ୍ୟକ୍ତି ଜଣକ ନିଶ୍ଚିତ ଭାବେ ଆଇ.ଟି.ଆଇ କିମ୍ବା ପଲିଟେକନିକ ତାଲିମ ପ୍ରାପ୍ତ କରିଥିବେ କିମ୍ବା ସହଯୋଗୀ ଅନୁଷ୍ଠାନରୁ ସ୍ୱଳ୍ପ ଅବଧିର ସରକାରୀ ସ୍ବୀକୃତିପ୍ରାପ୍ତ ତାଲିମ ହାସଲ କରିଥିବେ ଏବଂ ବ୍ୟବସାୟ ସମ୍ପର୍କରେ ଜ୍ଞାନ ରଖିଥିବେ। ସେହି ଅନୁଷ୍ଠାନ ଭାବି ଉଦ୍ୟୋଗୀଙ୍କ ନିଷ୍ଠା ଓ ସାମର୍ଥ୍ୟ ଦେଖି ତାଙ୍କ ପାଇଁ ସୁପାରିଶ କରିବାକୁ ପଡିବ ।
ଭାବି ନାନୋ ୟୁନିକର୍ଣ୍ଣ ମାନଙ୍କୁ ଦୁଇ ପର୍ଯ୍ୟାୟର ଚୟନ ପ୍ରକ୍ରିୟା ଦେଇ ଗତି କରିବାକୁ ପଡିବ। ପ୍ରଥମ ପର୍ଯ୍ୟାୟରେ ‘ଏକ୍ଟିଭିଟି ସେଣ୍ଟର’ ନାମରେ ଏକ କାର୍ଯ୍ୟକଳାପ ଶୃଙ୍ଖଳା ସହ ‘ନାକ୍’ ମୋବାଇଲ ଗେମ୍ ଖେଳି ସଫଳତା ହାସଲ କରିବାକୁ ହୁଏ।
ପ୍ରାର୍ଥୀଙ୍କୁ ୧୦ ଦିନର ଉଦ୍ୟୋଗିକ ବିକାଶ ଓ ବ୍ଯବସାୟିକ ଯୋଜନା ପ୍ରସ୍ତୁତି ପାଇଁ ଆବାସିକ ତାଲିମ ପ୍ରଦାନ କରାଯିବ । ସେମାନଙ୍କୁ ଋଣ ରାଶି ବିତରଣ ଓ ପୁନଃପ୍ରଦାନ ନିୟମ, ମାର୍ଗଦର୍ଶକ ସିଡ୍ୟୁଲ ସମ୍ପର୍କରେ ବୁଝାଯାଏ। ଏହି ତାଲିମ ଶେଷରେ ସେମାନଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥାଏ।
ତାଲିମ ପରେ ପ୍ରାର୍ଥୀମାନେ ଓଏସଡିଏ ସହ ଚୁକ୍ତି ସ୍ଵାକ୍ଷର କରି ୧ ଲକ୍ଷ ଟଙ୍କାର ପୁଞ୍ଜି ପ୍ରାପ୍ତ କରିବା ପାଇଁ ଯୋଗ୍ୟ ବିବେଚିତ ହେବେ। କୌଣସି ବନ୍ଧକ କିମ୍ବା ଆନୁଷଙ୍ଗିକ ଜମାର ଆବଶ୍ୟକତା ନାହିଁ। ସେମାନଙ୍କୁ କେବଳ ଏକ ପୃଷ୍ଠାର ଅନୁବନ୍ଧରେ ସ୍ଵାକ୍ଷର କରିବାକୁ ପଡିବ। ପ୍ରଥମ ବର୍ଷ ଉଦ୍ଯୋଗୀଙ୍କୁ ୧ ଲକ୍ଷ ଟଙ୍କା ଉପରେ କୌଣସି ସୁଧ ଦେବାକୁ ପଡିବ ନାହିଁ । ଦ୍ଵିତୀୟ ବର୍ଷରେ ସାମାନ୍ଯ ୫% ସୁଧ ଦେବାକୁ ପଡିବ। ୩ୟ ବର୍ଷ ୧୨% ସୁଧ ହାରରେ ଅବଶିଷ୍ଟ ଅର୍ଥ ପଇଠ କରିବାକୁ ପଡିବ।
ତାଲିମ ସମାପ୍ତ ପରେ ଭାବି ଉଦ୍ଯୋଗୀଙ୍କ ବ୍ଯାଙ୍କ ଆକାଉଣ୍ଟକୁ ସିଧାସଳଖ ଟଙ୍କା ପ୍ରେରଣ ହେବ। ସେମାନେ ବ୍ୟବସାୟ ଆରମ୍ଭ କରିବା ପାଇଁ ଏହି ଟଙ୍କା ବିନିଯୋଗ କରିବେ।
ପ୍ରତ୍ଯେକ ୟୁନିକର୍ଣ୍ଣ ଅତିକମରେ ତ୍ରୟମାସିକ ୧୫ ଘଣ୍ଟା ହାରରେ ବର୍ଷ ତମାମ ସେହି ବିଷୟ ସମ୍ପର୍କିତ କିମ୍ବା ବ୍ୟବସାୟିକ ବିଶେଷଜ୍ଞଙ୍କ ତତ୍ଵାବଧାନରେ ମାର୍ଗଦର୍ଶନ ଲାଭ କରନ୍ତି, ଆବଶ୍ୟକ ସ୍ଥଳେ ପ୍ରାରମ୍ଭିକ ପର୍ଯ୍ୟାୟରେ ମାର୍ଗଦର୍ଶନର ହାର ବୃଦ୍ଧି କରାଯାଇଥାଏ। ଏହା ବ୍ୟତିତ ଓଏସଡିଏ ଦଳ ସମସ୍ତ ଉଦ୍ୟୋଗୀଙ୍କ କାର୍ଯ୍ୟକ୍ଷେତ୍ର ପରିଦର୍ଶନ କରିବେ। ସବୁ ଉଦ୍ୟୋଗୀଙ୍କୁ ଅନ୍ୟ ନାନୋ ୟୁନିକର୍ଣ୍ଣ ସହ ନେଟୱର୍କ ତିଆରି ପାଇଁ ପ୍ରୋତ୍ସାହିତ କରାଯିବ। ବ୍ୟବସାୟ ସ୍ଥିର ଓ ବ୍ୟାପକ ହେବାପରେ ସଙ୍କୋଚ କରୁଥିବା ଅନିଶ୍ଚିତ ଯୁବକ ଆତ୍ମବିଶ୍ଵାସୀ ଉଦ୍ୟୋଗୀରେ ପରିଣତ ହେବେ।
ଏହି ପରିବର୍ତ୍ତନ ସହ ପ୍ରତ୍ଯେକ ଯୁବଉଦ୍ୟୋଗୀଙ୍କୁ, ଯେଉଁ ମାନଙ୍କର କୋଲାଟେରାଲ ଓ ପୁଞ୍ଜି ନାହିଁ କିନ୍ତୁ ଉଦ୍ୟୋଗୀ ହେବା ପାଇଁ ପେଟରେ ଜ୍ଵଳା ରହିଥିବ ସେମାନଙ୍କୁ ସଠିକ ଦିଗଦର୍ଶନ ଦେଇ ତାଙ୍କ ସ୍ଵପ୍ନ ସାକାର କରିବା ଓ ହେଉଛି ନାନୋ ୟୁନିକର୍ଣ୍ଣ ଯୋଜନାର ଲକ୍ଷ୍ୟ।
ନଲେଜ ହବ୍ ଏହି ଯୋଜନାର ଜଡ ହେବ। ଏହା ପ୍ରତ୍ୟେକ ଉଦ୍ୟୋଗୀଙ୍କ କାହାଣୀ, ସେମାନଙ୍କ ଯାତ୍ରା ଓ କେସ ଷ୍ଟାଡିସର ଭଣ୍ଡାର ହେବ।
ଏହି ଯୋଜନା ୨୦୧୭ ଜୁଲାଇ ମାସରେ ଓଏସଡିଏ ପକ୍ଷରୁ ଆରମ୍ଭ କରାଯାଇଥିଲା ଏବଂ ଏବେ ସୁଦ୍ଧା ୧୨ଟି ବ୍ୟାଚରେ ୨୫୦ଜଣଙ୍କୁ ତାଲିମ ଦିଆ ଯାଇସାରିଲାଣି। ତନ୍ମଧ୍ୟରୁ ୨୪୩ଜଣ ଉଦ୍ୟୋଗୀଙ୍କୁ (୧୯୯ ପୁରୁଷ, ୫୧ ମହିଳା) ୨.୩୧ କୋଟି ତାଙ୍କର ଆର୍ଥିକ ସହାୟତା ପ୍ରଦାନ କରାଯାଇଛି। ଅଧିକାଂଶ ଉଦ୍ଯୋଗୀ ଆର୍ଥିକ ଅନଗ୍ରସର ପରିବାରରୁ ଆସିଥିବା ବେଳେ ଦୃଢ ମନୋବଳ ଓ ଧର୍ଯ୍ୟ ଦେଖାଇଛନ୍ତି। ସେମାନଙ୍କ ମୌଳିକ ଉଦ୍ଦେଶ୍ୟ ହେଲା ଏକ ସଫଳ ଉଦ୍ଯୋଗୀ ହୋଇ ସେମାନଙ୍କ ପରିବାରର ସାମଗ୍ରିକ ବିକାଶ କରାଇବା । ସେମାନଙ୍କ ମଧ୍ୟରୁ ଅଧିକାଂଶ ସେମାନଙ୍କ ପରିବାରକୁ ଗର୍ବିତ କରି ଭବିଷ୍ୟତର ଉଦ୍ୟୋଗୀଙ୍କୁ ମାର୍ଗଦର୍ଶନ କରିବା ପାଇଁ ପ୍ରସ୍ତୁତ।
ଅନନ୍ତ କୁମାର ମହନ୍ତଙ୍କ ଘର ସୁନ୍ଦରଗଡ ଜିଲ୍ଲା ରାଉରକେଲା ନିକଟସ୍ଥ ଲହୁଣୀପଡାରେ । ଆର୍ଥିକ ସଙ୍କଟ ଯେପରି ତାଙ୍କ ଦୈନନ୍ଦିନ ଜୀବନର ଏକ ଅଂଶ ପାଲଟି ଯାଇଥିଲା । ଏମିତି କୌଣସି ଦିନ ନଥିଲା ଯେବେ ତାଙ୍କର ଅସୁବିଧା ହୋଇନଥିଲା । ସଂଘର୍ଷ କରି ସମସ୍ତ ପ୍ରକାର ଆହ୍ୱାନର ମୁକାବିଲା କରିବାରେ ଅନନ୍ତ ଆଜି ସକ୍ଷମ ହୋଇପାରିଛନ୍ତି ।ପରିବାରର ଆର୍ଥିକ ସଙ୍କଟ କାରଣରୁ, ... ଖଣ୍ଡେ ଚାକିରି କରିବା ତାଙ୍କର ମୂଳ ଉଦ୍ଦେଶ୍ୟ ଥିଲା | ସେ ଜାଣିଥିଲେ, ସେ ମହଙ୍ଗା ଡିଗ୍ରୀ ହାସଲ କରି ପାରିବେ ନାହିଁ କିନ୍ତୁ ସେ ଉପଲବ୍ଧ କରି ପାରିଥିଲେ ଯେ ଯେକୌଣସି କ୍ଷେତ୍ରରେ ଉପଯୁକ୍ତ ତାଲିମ ବିନା ଭଲ ବେତନ ଭିତ୍ତିକ ନିଯୁକ୍ତି ପାଇବା କଷ୍ଟକର |ଏହିପରି ଭାବେ, ସେ ରାଉରକେଲା ସହରର ସରକାରୀ ଶିଳ୍ପ ତାଲିମ ପ୍ରତିଷ୍ଠାନରେ ୨୦୧୦-୧୨ ଶିକ୍ଷାବର୍ଷରେ ମେକାନିକ୍ ରେଫ୍ରିଜରେଜେସନ୍ ଏବଂ ଏୟାର କଣ୍ଡିସନର ଟ୍ରେଡ୍ରେ ନାମ ଲେଖାଇଥିଲେ । ଭଲ କଠୋର ତାଲିମ ଯୋଗୁଁ ସେ ୱର୍ଲପୁଲ୍ରେ ଆପ୍ରେଣ୍ଟିସିପ୍ ପାଇପାରିଲେ, ଯେଉଁଠାରେ ସେ ଏକ ବର୍ଷ କାମ କରିଥିଲେ | ସେଠାରୁ ଭଲ ମୂଲ୍ୟବାନ ଅଭିଜ୍ଞତା ପାଇପାରିଥିଲେ କିନ୍ତୁ ତାଙ୍କ ପାଇଁ ଗୁରୁତ୍ୱପୂର୍ଣ୍ଣ ଥିଲା ଅର୍ଥ । ପରିବାର ଚଳାଇବା କଷ୍ଟ ହେଉଥିଲେ ସୁଧା ୧୫୦୦ ଟଙ୍କା ବେତନରେ ସେଠାରେ କାମ କରିଥିଲେ । ତା’ପରେ ସେ ଏକ ଘରୋଇ ସଂସ୍ଥା ସହିତ କାମ କରିବାକୁ ସ୍ଥିର କଲେ, କାରଣ ତାଙ୍କର ଭରସା ଥିଲା ଯେ ପ୍ରତ୍ୟେକ ଯନ୍ତ୍ର ସ୍ଥାପନ ଓ ମରାମତି ପାଇଁ ୧୦୦ ରୁ ୨୦୦ ଟଙ୍କା ରୋଜଗାର କରି ପାରିବେ ଏବଂ ତାଙ୍କ ପରିବାର ଭଲରେ ଚାଲିପାରିବ ।ସେଠାରେ ସେ ଶ୍ରୀ ନିହାର ରଂଜନ ପ୍ରଧାନ ନାମକ ଟ୍ରେଡ୍ ପ୍ରଶିକ୍ଷକଙ୍କ ସହ ଭେଟିଥିଲେ । ଆଇଟିଆଇ ରାଉରକେଲାର ଅଧ୍ୟକ୍ଷ ଅନନ୍ତଙ୍କ ନାମକୁ ଓଡିଶା ଦକ୍ଷତା ବିକାଶ ପ୍ରାଧିକରଣର ନାନୋ ୟୁନିକର୍ଣ୍ଣ ଯୋଜନା ପାଇଁ ସୁପାରିଶ କରିଥିଲେ। ଅନନ୍ତ ମନୋନୀତ ହୋଇଥିଲେ ଏବଂ ଶେଷରେ ୨୦୧୭-୧୮ ଆର୍ଥିକ ବର୍ଷରେ ପାଞ୍ଚ ଦିନର ଉଦ୍ୟୋଗୀ ତାଲିମ ନେଇଥିଲେ ।ନାନୋ ୟୁନିକର୍ଣ୍ଣରୁ ପାଇଥିବା ଆର୍ଥିକ ସହାୟତାରେ ଅନନ୍ତ ଲହୁଣୀପଡା ନିକଟରେ ନିଜର ଏକ ଇଲେକ୍ଟ୍ରନିକ୍ସ ଏବଂ ରେଫ୍ରିଜରେଜେସନ୍ ୟୁନିଟ୍ ଆରମ୍ଭ କରିଥିଲେ । ଏକ ସଫଳ ବ୍ୟବସାୟ ଆରମ୍ଭ କରିବା ପାଇଁ ଅଭିଜ୍ଞତା ଏବଂ କୌଶଳର ଆବଶ୍ୟକତା ଥିଲା, ଯାହା ତାଙ୍କ ନିକଟରେ ଥିଲା । ସେ ସଫଳତା ଆଡକୁ ନିଜର ଯାତ୍ରା ଆରମ୍ଭ କରିଥିଲେ । ଦୋକାନ ଖୋଲିବାର ପନ୍ଦର ଦିନରେ ତାଙ୍କ ବାପାଙ୍କର ଦେହାନ୍ତ ହୋଇଗଲା । ଯାହା ତାଙ୍କୁ ଶକ୍ତ ଧକ୍କା ଦେଇଥିଲା । ଏହି ଦୁଃଖରୁ ଅହରିବା ପାଇଁ ତାଙ୍କୁ ପ୍ରାୟ ଛଅ ମାସ ସମୟ ଲାଗି ଯାଇଥିଲା । ବାପାଙ୍କର ସ୍ୱପ୍ନ ପୂରଣ କରିବା ଲକ୍ଷ୍ୟରେ ଏହି ମହାମାରୀ ସମୟରେ ଦିନରାତି ଏକ କରି ବ୍ୟବସାୟକୁ ଆଗକୁ ବଢାଇବା ପାଇଁ ପ୍ରୟାସ ଜାରି ରଖିଛନ୍ତି ।ସେ କୁହନ୍ତି: “ଟଙ୍କା ଆପଣଙ୍କୁ କେବେ ଶିକ୍ଷା, କୌଶଳ ଏବଂ ଅଭିଜ୍ଞତା କିଣି ଦେଇ ପାରିବ ନାହିଁ | କେବଳ ଜୀବନ ଆପଣଙ୍କୁ ଶିକ୍ଷା ଦେଇଥାଏ ଯାହା ମାଗଣା ଏବଂ ଅବିସ୍ମରଣୀୟ ”| ଅନନ୍ତ ତାଙ୍କ ବ୍ୟବସାୟ ମାଧ୍ୟମରେ ସମାଜ ସେବା କରିବା ଯାତ୍ରା ଜାରି ରଖିଛନ୍ତି |
ପଶ୍ଚିମ ଓଡିଶାର ସୋନପୁର ଜିଲ୍ଲା ସୁବଳୟପୁର ଗ୍ରାମର ଜଣେ ସଫଳ ନାନୋ ୟୁନିକର୍ଣ୍ଣ ହେଲେ ପିଙ୍କି ମେହେର । ବୁଣାକାର ପରିବାରର ଝିଅ । ବାପାଙ୍କ ଲୁଗାବୁଣା ବ୍ୟବସାୟରେ ପରିବାର ଚଳେ । ଜେଜେମାଙ୍କ ଦେହାନ୍ତ ପରେ ବ୍ୟବସାୟରେ ଅନେକ କ୍ଷତି ସହିବାକୁ ପଡିଲା । କାରଣ ତାଙ୍କ ଜେଜେମା ଏକ ଉଚ୍ଚକୋଟିର ବୁଣାକାର ଥିଲେ । ତେଣୁ ବାଧ୍ୟ ହୋଇ ବାପା ପରିବାର ପ୍ରତିପୋଷଣ କରିବା ... ପାଇଁ ଏକ ଗ୍ୟାସ୍ ବିତରଣ ଷ୍ଟେସନରେ କାମ କରିଥିଲେ । ପରିବାରର ଏହିଭଳି ପରିସ୍ଥିତି ଦେଖି ପିଙ୍କି ପରିବାରର କୌଳିକ ବୃତ୍ତିକୁ ଆଗକୁ ବଢାଇବା ପାଇଁ ନିଷ୍ପତ୍ତି ନେଲେ ।ପିଙ୍କି ବୌଦର ସରକାରୀ ଆଇଟିଆଇରୁ ଟେକ୍ସଟାଇଲ ଟ୍ରେଡ୍ରେ ନାମ ଲେଖାଇଲେ । ପିଙ୍କିଙ୍କ କଠିନ ପରିଶ୍ରମ ଦେଖି ଟ୍ରେଡ୍ ପ୍ରଶିକ୍ଷକ ସୁଧାଂଶୁ ଶେଖର ମହାକୁଡ ତାଙ୍କ ନାମକୁ ଓଡିଶା ଦକ୍ଷତା ବିକାଶ ପ୍ରାଧିକରଣର ନାନୋ ୟୁନିକର୍ଣ୍ଣ ଯୋଜନା ନିମନ୍ତେ ସୁପାରିଶ କଲେ । ଶେଷରେ ସେ ସେଥିରେ କୃତକାର୍ଯ୍ୟ ହୋଇ ପାଞ୍ଚ ଦିନିଆ ଉଦ୍ୟୋଗୀ ପ୍ରଶିକ୍ଷଣ ନେଇଥିଲେ ।ସଫଳତାର ସହିତ ପାଠ୍ୟକ୍ରମ ସମାପ୍ତ କରିବା ପରେ, ପିଙ୍କି ହୃଦୟଙ୍ଗମ କଲେ ଯେ ଆର୍ଥିକ ରୂପେ ସ୍ୱାଧୀନ ହେବାକୁ ହେଲେ ଅନେକ ସଂଘର୍ଷ କରିବାକୁ ହେବ । ସମସ୍ତ ଆହ୍ୱାନରେ ଜିତି ସେ ନିଜ ଭାଗ୍ୟର ଗୁରୁ ହେବାକୁ ସ୍ଥିର କଲେ ଏବଂ ନିଜ ଗାଁରେ ଟେଲରିଂ ଓ ଲୁଗାବୁଣା ଦୋକାନ ଆରମ୍ଭ କଲେ |ଧିରେ ଧିରେ ଦୋକାନ ବଢିଲା ଏବଂ ଆଜି ସେ ଜଣେ ସଫଳ ମହିଳା ଉଦ୍ୟୋଗୀ ଭାବେ ପରିଚିତ । ସେ କେବଳ ନିଜ ପାଇଁ ଆର୍ଥିକ ସ୍ଥିରତା ଆଣି ନାହାଁନ୍ତି ବରଂ ତାଙ୍କ କର୍ମଶାଳାରେ ଦୁଇ ଜଣ ଝିଅଙ୍କୁ ନିଯୁକ୍ତି ସୁଯୋଗ ଦେଇଛନ୍ତି |ପିଙ୍କି ତାଙ୍କ ସଫଳତାର ଶ୍ରେୟ ଦେବାକୁ ଭୁଲି ନାହାଁନ୍ତି । ସେ ଟାଟା ଷ୍ଟ୍ରାଇଭ୍ର ପ୍ରଶିକ୍ଷକ ଶ୍ରୀ ଶାନ୍ତନୁ ମିଶ୍ର ଏବଂ କଳାହାଣ୍ଡି ଜିଲ୍ଲାର ସ୍ଥାନୀୟ ଉଦ୍ୟୋଗୀ ତଥା ନାନୋ ୟୁନିକର୍ଣ୍ଣ ପରାମର୍ଶଦାତା ଶ୍ରୀ ଦୀପକ ରଂଜନ ସାହୁଙ୍କ ନିୟମିତ ପରାମର୍ଶ ପାଇଁ ସେମାନଙ୍କ ପ୍ରତି କୃତଜ୍ଞତା ଜଣାଇଛନ୍ତି | ପିଙ୍କି ଆଜି ଉଦ୍ୟୋଗୀ ହେବାକୁ ଲକ୍ଷ୍ୟ ରଖିଥିବା ସ୍ଥାନୀୟ ଅଞ୍ଚଳର ଯୁବତୀମାନଙ୍କୁ ତାଲିମ ଦେଉଛନ୍ତି ।
ଗୀତାଞ୍ଜଳି ଦାସଙ୍କ ଘର କଟକ ଜିଲ୍ଲାର ପୂର୍ବକଚ୍ଛ ଗ୍ରାମରେ । ଯଦିଓ ତାଙ୍କ ପିତା ଏବଂ ବଡ ଭାଇ ସରକାରୀ କର୍ମଚାରୀ, ଗୀତାଞ୍ଜଳି ପିଲାଦିନରୁ ଉଦ୍ୟୋଗୀ ହେବାର ସ୍ୱପ୍ନ ଦେଖିଥିଲେ। ସେ କୁହନ୍ତି ଯେତେବେଳେ ସେ ସ୍କୁଲରେ ଥିଲେ ସେଇ ସମୟରୁ ତାଙ୍କ ମା ଏବଂ ସଂପର୍କୀୟ ଭଉଣୀଙ୍କ କେଶ ବହୁତ ସୁନ୍ଦର ଭାବେ କାଟୁଥିଲେ । ଏହା ଦେଖି ତାଙ୍କ ଶିକ୍ଷକ, ସେ ବିଉଟିସିଆନ ତାଲିମ ... ନିଅନ୍ତୁ ବୋଲି ବାପାଙ୍କୁ ପରାମର୍ଶ ଦେଇଥିଲେ ।ତଥାପି, ଗୀତାଞ୍ଜଳୀଙ୍କ ପାଇଁ ଉଦ୍ୟୋଗୀ ହେବା ଏତେଟା ସହଜ ନଥିଲା | ବାପା ତାଙ୍କ ସପକ୍ଷରେ ନଥିଲେ ଏବଂ ପରିବାର ଲୋକ ଅତ୍ୟନ୍ତ ଜିଦ୍ଖର ଥିଲେ । ଯେହେତୁ ବିଉଟିସିଆନ୍ ଏବଂ ବିୟୁଟି ଥେରାପି କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କୁ ସମାଜରେ ସମ୍ମାନଜନକ ଭାବରେ ବିବେଚନା କରାଯାଉନଥିଲା, ତେଣୁ ଏହି କ୍ଷେତ୍ରରେ ପ୍ରବେଶ କରିବାକୁ ଅନୁମତି ଦେବାକୁ ପରିବାର ଲୋକ ନାରାଜ ଥିଲେ।ଗୀତାଞ୍ଜଳି ବିବାହ ସମୟରେ ଗୋଟିଏ ସର୍ତ୍ତ ରଖିଥିଲେ – ଯେହେତୁ ବିଉଟି ଥେରାପି କ୍ଷେତ୍ରରେ ତାଙ୍କର ରୁଚି ରହିଛି, ତାଙ୍କୁ ବିୟୁଟି ପାର୍ଲର ଖୋଲିବାକୁ ଅନୁମତି ଦିଆଯାଉ । ଇଚ୍ଛା ଥିଲେ ଉପାୟ ଆପେଆପେ ଆସେ ଏବଂ ଭାଗ୍ୟ ତାଙ୍କୁ ଏଥିପାଇଁ ସହଯୋଗ କଲା | କେବଳ ତାଙ୍କ ସ୍ୱାମୀ ନୁହଁନ୍ତି ଶାଶୁ ମଧ୍ୟ ତାଙ୍କୁ ପ୍ରଥମ ଦିନରୁ ସାହାଯ୍ୟ ଏବଂ ସମର୍ଥନ କରିଥିଲେ। ସେ ବୈଷୟିକ ଅନୁଷ୍ଠାନ ପ୍ରଥମ ଏଜୁକେସନାଲ ଫାଉଣ୍ଡେସନରେ ଯୋଗ ଦେଇଥିଲେ ଯାହାକି କଟକ ଜିଲ୍ଲାରେ ସ୍ୱଳ୍ପକାଳୀନ ଡୋମେନ୍ ସ୍କିଲିଂ ପାଠ୍ୟକ୍ରମ ପ୍ରଦାନ କରିଥାଏ | ସାର୍ଟିଫିକେଟ୍ ପାଇବା ପାଇଁ ସେ ଏହି ଅନୁଷ୍ଠାନରେ ଯୋଗ ଦେଇଥିଲେ, ତଥାପି, ସେ ଅଧିକ ଶିଖିବାକୁ ଚାହୁଁଥିଲେ । ତେଣୁ ନୂତନ କୌଶଳ ଶିଖିବା ଏବଂ ଜ୍ଞାନ ଆହରଣ ପାଇଁ ପ୍ରତି ମାସରେ ୫୦୦୦ ଟଙ୍କା ଦେଇ ଅନ୍ୟ ଏକ ଘରୋଇ ସୌନ୍ଦର୍ଯ୍ୟ-ଚିକିତ୍ସା ପ୍ରତିଷ୍ଠାନରେ କାମ ଶିଖିଥିଲେ |ତାପରେ ସେ ନିଜର ବ୍ୟବସାୟ ୟୁନିଟ୍ ଆରମ୍ଭ କରିଥିଲେ, ପରବର୍ତ୍ତୀ ସମୟରେ ୨ ଜଣ ସହାୟକଙ୍କୁ ତାଲିମ ଦେଇ ସେମାନଙ୍କୁ ନିଯୁକ୍ତି ଦେଇଛନ୍ତି | ବର୍ତ୍ତମାନ, ସେ ସେହି ଅଞ୍ଚଳରେ ଏକ ଲେଡିଜ୍ କର୍ଣ୍ଣର ଆରମ୍ଭ କରିଛନ୍ତି ଏବଂ ସଫଳତାର ସହିତ ଉଭୟ ବ୍ୟବସାୟକୁ ଏକାଠି ପରିଚାଳନା କରୁଛନ୍ତି |ପ୍ରଥମ୍ ଏଜୁକେସନାଲ୍ ଫାଉଣ୍ଡେସନ୍ର ଜଣେ ବରିଷ୍ଠ ଅଧିକାରୀ ଶ୍ରୀମତୀ ଅଞ୍ଜନା ସେନ୍ କୁହନ୍ତି: “ଗୀତାଞ୍ଜଳି ନିଷ୍ଠାବାନ୍ ଏବଂ ପରିଶ୍ରମୀ । ଆମେ ସବୁବେଳେ ଆମ ଛାତ୍ରଛାତ୍ରୀମାନଙ୍କୁ ଜଣେ ପ୍ରତିବଦ୍ଧ ଉଦ୍ୟୋଗୀ ଭାବେ ତାଙ୍କ ଉଦାହରଣ ଦେଇଥାଉ ।“ଗୀତାଞ୍ଜଳି ତାଙ୍କର ଦୁଇଟିଯାକ ବ୍ୟବସାୟକୁ ଏକତ୍ରିତ କରି ଏକ ବଡ ଦୋକାନ ସ୍ଥାପନ କରିବାର ସ୍ୱପ୍ନ ଦେଖିଛନ୍ତି ଯାହା ତାଙ୍କ ପରି ଅଭାବୀ ତଥା ଯୋଗ୍ୟ ଲୋକଙ୍କୁ ମଧ୍ୟ ସାହାଯ୍ୟ ଏବଂ ସମର୍ଥନ କରିପାରିବ ।
ସଞ୍ଜୀବ ରେଡ୍ଡୀ ଗଞ୍ଜାମ ଜିଲ୍ଲାର ବାସିନ୍ଦା ଅଟନ୍ତି । ମାତ୍ର ଆଠ ବର୍ଷ ବୟସ ହୋଇଥିବା ବେଳେ ତାଙ୍କ ପିତାଙ୍କର ସ୍ୱାସ୍ଥ୍ୟ ସମସ୍ୟା ହେତୁ ଚାକିରି ଛାଡିବାକୁ ପଡିଥିଲା । କେବଳ ଦୁଇଟି ଗାଇକୁ ନେଇ ପରିବାରର ଜୀବିକା ନିର୍ବାହ କରିବାକୁ ପଡୁଥିଲା ଏବଂ ସଞ୍ଜୀବ ଛୋଟ ବେଳୁ ହିଁ ସ୍ଥାନୀୟ ଅଞ୍ଚଳରେ ଦୁଗ୍ଧ ଯୋଗାଣ ଦାୟିତ୍ୱ ନିଭେଇଥିଲେ ... ।ତାଙ୍କର ପିଲାଦିନ କଥା ମନେ ପକାଇ ସଞ୍ଜୀବ କୁହନ୍ତି, ତାଙ୍କୁ ପଢିବାର ବହୁତ ଇଚ୍ଛା ଥିଲା । କିନ୍ତୁ ଆର୍ଥିକ ଅବସ୍ଥା ଅତ୍ୟନ୍ତ ଖରାପ ଥିବାରୁ ସେ ଅଧିକ ପାଠ ପଢି ପାରିନଥିଲେ । ପ୍ରଥମେ ମାସକୁ ୬00 ଟଙ୍କାରେ ଏକ ଦୋକାନରେ ଚାକିରି ପାଇଲେ ଏବଂ ସେହି ସୀମିତ ଅର୍ଥରେ ତିନି ଭାଇଭଉଣୀଙ୍କ ସହିତ ବାପାମାଆଙ୍କର ଯତ୍ନ ନେଇଥିଲେ |ସଞ୍ଜୀବ କିନ୍ତୁ ବହୁତ ସ୍ପଷ୍ଟ ଥିଲେ । କାହା ଉପରେ ନିର୍ଭରଶୀଳ ନ ହୋଇ ନିଜର କିଛି କରିବାକୁ ନିଷ୍ପତ୍ତି ନେଇଥିଲେ | ପ୍ଲମ୍ବିଂ କାର୍ଯ୍ୟରେ ଆଗ୍ରହ ଯୋଗୁଁ ସେ ବ୍ରହ୍ମପୁର ସହରର ସରକାରୀ ଆଇଟିଆଇରେ ପ୍ଲମ୍ବିଂ ଟ୍ରେଡ୍ରେ ନାମ ଲେଖାଇଲେ ଏବଂ ସଫଳତାର ସହିତ ଏଥିରେ ଉତ୍ତୀର୍ଣ୍ଣ ହେଲେ । ପ୍ରଥମେ ସେ ଛୋଟ ଛୋଟ କାମ କରିବା ଆରମ୍ଭ କଲେ । ନିଜର ଅଭିଜ୍ଞତା ଓ ଗ୍ରାହକଙ୍କ ସହିତ ଭଲ ଆଚରଣ ଯୋଗୁଁ ଲୋକପ୍ରିୟତା ହାସଲ କଲେ | ଶେଷରେ ସେ ଓଡିଶା ଦକ୍ଷତା ବିକାଶ ପ୍ରାଧିକରଣର ଦଶ ଦିନିଆ ନାନୋ ୟୁନିକର୍ଣ୍ଣ ଯୋଜନାରେ ମନୋନୀତ ହେଲେ ଏବଂ ଏକ ଲକ୍ଷ ଟଙ୍କାର ଆର୍ଥିକ ସହାୟତା ପାଇଲେ । ସଞ୍ଜୀବ ନିଜର ଏକ ପ୍ଲମ୍ବିଂ ୟୁନିଟ୍ ସ୍ଥାପନ କରି ବ୍ୟବସାୟ ଆରମ୍ଭ କରିଥିଲେ ।ସ୍ୱଭାବରେ ବେଶ୍ ସାଧାସିଧା ଥିବା ସଞ୍ଜୀବ ପୁରୁଣା ଦିନଗୁଡ଼ିକୁ ମନେ ରଖିଛନ୍ତି ଯେତେବେଳେ ସେ ତୋରାଣୀ ପିଇ କାମ କରିବାକୁ ଯାଉଥିଲେ | ଆଜି, ସେ ଏକ ସ୍ୱାଧୀନ ବ୍ୟବସାୟର ମାଲିକ, ତାଙ୍କ ଅଧୀନରେ ତିନୋଟି ସହାୟକ କର୍ମଚାରୀ ଅଛନ୍ତି | ଆନୁମାନିକ ଭାବେ ସଞ୍ଜୀବଙ୍କ ଆୟ ହେଉଛି ୪0,000 ଟଙ୍କା |ଟାଟା ଷ୍ଟ୍ରାଇଭର ପ୍ରଶିକ୍ଷକ ଶାନ୍ତନୁ କୁମାର ମିଶ୍ରଙ୍କ ମତରେ “ସଞ୍ଜୀବ ଜଣେ ନିଷ୍ଠାପର ଏବଂ ପରିଶ୍ରମୀ ବ୍ୟକ୍ତି ଯିଏ କାମରେ ବିଶ୍ୱାସ କରନ୍ତି ଏବଂ ସେ ଯେଉଁଠିକୁ ଗଲେ ମଧ୍ୟ ଆତ୍ମବିଶ୍ୱାସର ସହ ଯାଆନ୍ତି” |ପ୍ଲମ୍ବର ଭାବରେ ସଞ୍ଜୀବ ସ୍ଥାନୀୟ ଅଞ୍ଚଳରେ ବହୁତ ଲୋକପ୍ରିୟ ଏବଂ ସେ ସରକାରୀ ଅନୁଷ୍ଠାନ ତଥା ଅନ୍ୟାନ୍ୟ ସ୍ଥାନୀୟ କର୍ତ୍ତୃପକ୍ଷଙ୍କଠାରୁ ବହୁ ପରିମାଣର କାମ ପାଉଛନ୍ତି । ଏକ ଉନ୍ନତ ଧରଣର ପ୍ଲମ୍ବିଂ ୟୁନିଟ୍ ପ୍ରତିଷ୍ଠା କରି ତାଙ୍କ ପରି ଅଭାବୀ ଲୋକଙ୍କୁ ତାଲିମ ଏବଂ ନିଯୁକ୍ତି ଦେବା ସଞ୍ଜୀବଙ୍କର ସ୍ୱପ୍ନ |
ବରଗଡ଼ ଜିଲ୍ଲାର ମହମ୍ମଦ ଶାହରୁଖ ଖାନ୍ଙ୍କ ଜୀବନ କିଛି ଚଳଚ୍ଚିତ୍ରର କାହାଣୀ ଠାରୁ କମ୍ ନୁହେଁ । ଅର୍ଥ ଅଭାବରୁ ପାଠ ଛାଡିଥିବା ଶାହରୁଖ ବର୍ତ୍ତମାନ ଖାଲି ନିଜ ଗୋଡରେ ଠିଆ ହୋଇ ନାହାନ୍ତି, ସେ ୧୦ ଜଣଙ୍କୁ ଚାକିରି ଦେବାରେ ମଧ୍ୟ ସକ୍ଷମ ହୋଇଛନ୍ତି ।ବରଗଡ଼ ସରକାରୀ ଆଇଟିଆଇରୁ ଆଇସିଟିଏସ୍ଏମ୍ (ICTSM) ପାଠ୍ୟକ୍ରମରେ ... ଡିପ୍ଲୋମା କରିଥିବା ଶାହରୁଖ ନିଜ ପାଠ ସାରିବା ପରେ ଗୋଡ୍ରେଜ୍ କମ୍ପାନୀର ଏକ ଡିଲର୍ଙ୍କ ନିକଟରେ ରହି କମ୍ପାନୀର ଗ୍ରାହକ ମାନଙ୍କୁ ବିଭିନ୍ନ ପ୍ରକାର ମରାମତି ସେବା ପ୍ରଦାନ କରି ଆସୁଥିଲେ । ଅଧିକରୁ ଅଧିକ କାମ ଶିଖିବା ପାଇଁ ନିରନ୍ତର ଦିନକୁ ପ୍ରାୟ ୧0 ଘଣ୍ଟାରୁ ଅଧିକ ପରିଶ୍ରମ କରୁଥିଲେ ।ନିଜ ଆଇଟିଆଇରୁ ଓଡିଶା ଦକ୍ଷତା ବିକାଶ ପ୍ରାଧିକରଣ ଦ୍ଵାରା ଆରମ୍ଭ କରାଯାଇଥିବା ନାନୋ ୟୁନିକର୍ଣ୍ଣ ସ୍କିମ୍ ବିଷୟରେ ଶୁଣିଲା ପରେ ସେଥିରେ ଯୋଗ ଦେବା ପାଇଁ ଆବେଦନ କଲେ ଏବଂ ନାନୋ ୟୁନିକର୍ଣ୍ଣର ୭ର୍ଥ ବ୍ୟାଚ୍ରେ ଉଦ୍ୟୋଗୀ ହେବାପାଇଁ ତାଲିମ ନେଲେ ।ଆର୍ଥିକ ସମସ୍ୟା, ନିଦ୍ରାହୀନ ରାତି, ଓଜନ କମ୍ ଜନିତ ସ୍ୱାସ୍ଥ୍ୟ ସମସ୍ୟା, ବିନା ବେତନ ପ୍ରାପ୍ତ କାର୍ଯ୍ୟ ଭିତରେ କଠିନ ପରିଶ୍ରମ ଭଳି ତାଙ୍କର ଅନେକ ଅସୁବିଧା ଥିଲା । ସଫଳତା ପାଇବା ପାଇଁ ସେ କୌଣସି ସହଜ ରାସ୍ତା ଆପଣେଇ ନଥିଲେ ।ଆଜି, ସେ ନିଜର ବ୍ୟବସାୟ ସଂସ୍ଥାନ ଚଳାଉଛନ୍ତି, ଗ୍ରାହକଙ୍କୁ ଗୋଡ୍ରେଜ୍ ଏବଂ ହାୟର ଭଳି ଦୁଇଟି କମ୍ପାନୀର ସେବା ଯୋଗାଉଛନ୍ତି । ସେ ୧୦ ଜଣ କୁଶଳୀ ଟେକ୍ନିସିଆନଙ୍କୁ ନିଯୁକ୍ତି ଦେଇପାରିଛନ୍ତି । ଶାହରୁଖ,ଗୃହ ଉପକରଣ ସେବା କ୍ଷେତ୍ରରେ ରାଜ୍ୟର ଏକ ପ୍ରମୁଖ ସେବା ପ୍ରଦାନକାରୀ ସଂସ୍ଥା ହେବାର ସ୍ୱପ୍ନ ରଖିଛନ୍ତି ।ନିଜର ଜୀବନ ଏବଂ କ୍ଯାରିୟର ବିଷୟରେ ପଚାରିଲେ ଶାହରୁଖ କୁହନ୍ତି, କେବେ ଭାବିନଥିଲେ ଯେ ସେ କେବେବି ନିଜର ଏକ ବ୍ୟବସାୟ କରି ପାରିବେ । ଅର୍ଥାଭାବରୁ ଯେତେବେଳେ ପାଠ ଛାଡିଥିଲେ, ସେତେବେଳେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିବା ତାଙ୍କ ପାଇଁ ସ୍ଵପ୍ନ ଥିଲା । କିନ୍ତୁ ଆଇଟିଆଇ ବରଗଡ଼ ଏବଂ ନ୍ଯାନୋ ୟୁନିକର୍ଣ୍ଣ ଯୋଜନା ତାଙ୍କୁ ଆଜି ସମାଜରେ ପ୍ରତିଷ୍ଠିତ କରାଇପାରିଛି ।
ଦୃଢ ଇଛାଶକ୍ତି ଆଗରେ କୌଣସି କମ ଅସମ୍ଭବ ନୁହେଁ। ଏହାକୁ ସତ କରି ଦେଖାଇଛନ୍ତି ଗଞ୍ଜାମର ଏକ ମଧ୍ୟବିତ୍ତ ପରିବାରର ଯୁବକ ଅଜିତ ମହାନ୍ତି।ପାଠ ପଢିବା, କିଛି ନୂଆ ଶିଖିବା ପାଇଁ ତାଙ୍କ ମନରେ ସର୍ବଦା ଆଗ୍ରହ ଥିଲା, ସେଥିପାଇଁ ସେ ଆର୍ଥିକ ଅନଟନ ସତ୍ତ୍ୱେ ଆଇଟିଆଇ, ଛତ୍ରପୁରରେ ଇଲେକ୍ଟ୍ରିସିଆନ ପାଠ୍ୟକ୍ରମରେ ନାମ ଲେଖାଇଥିଲେ। ସ୍ଵପ୍ନ ଥିଲା ନିଜକୁ ସମାଜରେ ... ପ୍ରତିଷ୍ଠା କରେଇବା।ପାଠ୍ୟକ୍ରମ ସାରିଲା ପରେ ଅଜିତ ନିଜ ଅଞ୍ଚଳରେ କିଛି ଛୋଟ ମୋଟ ବୈଦ୍ୟୁତିକ ମରାମତି କାମ କରୁଥିଲେ। ଦିନେ ଜଣଙ୍କ ଠାରୁ ଓଡିଶା ଦକ୍ଷତା ବିକାଶ ପ୍ରାଧିକରଣ ଦ୍ଵାରା ଆରମ୍ଭ କରାଯାଇଥିବା ନାନୋ ୟୁନିକର୍ଣ୍ଣ ସ୍କିମ ବିଷୟରେ ଶୁଣିଲା ପରେ ସେଥିରେ ଯୋଗ ଦେବା ପାଇଁ ନିଜ ଆଇଟିଆଇ ମାଧ୍ୟମରେ ଆବେଦନ କାଲେ ଏବଂ ନାନୋ ୟୁନିକର୍ଣ୍ଣର ୪ର୍ଥ ବ୍ୟାଚ ରେ ଉଦ୍ଯୋଗୀ ହେବାପାୟ ତାଲିମ ନେଲେ। ଏହି ତାଲିମ ଶେଷରେ ନିଜର ଏକ ବ୍ୟବସାୟ ଆରମ୍ଭ କରିବା ପାଇଁ ସ୍କିମ ମାଧ୍ୟମରେ ଏକ ଲକ୍ଷ ତାଙ୍କ ଋଣ ଆକାର ରେ ନେବା ସହ ସେଥିରେ ନିଜର ଉପାର୍ଜିତ କିଛି ଅର୍ଥ ମିଶାଇ ଏବେ ଇଲେକ୍ଟ୍ରିକାଲ ମରାମତି ଦୋକାନ ଟିଏ କରିଥିଲେ। । ବର୍ତ୍ତମାନ ନିଜର ବ୍ୟବସାୟ ବୃଦ୍ଧି କରିବା ପାଇଁ ସେଣ୍ଟ୍ରାଲ ବ୍ଯାଙ୍କ ରୁ ଋଣ ନେଇ ଏକ ବଡ ୱାର୍କସପ କରିବା ସହ ନିଜ ଅଞ୍ଚଳର ୪ ଜଣ ଯୁବକଙ୍କୁ ରୋଜଗାର ମଧ୍ୟ ପ୍ରଦାନ କରିଛନ୍ତି।
ଆକାଶବାଣୀ ବଲାଙ୍ଗିର ଯୁବବାଣୀ କାର୍ଯ୍ୟକ୍ରମରେ ନାନୋ ୟୁନିକର୍ଣ୍ଣ ଗୋପୀନାଥ ହାତୀଙ୍କ ସ୍ଵତନ୍ତ୍ର ସାକ୍ଷାତକାର।
ଗଞ୍ଜାମ ଜିଲ୍ଲା ଭାବିନୀପୁର ର ପବିତ୍ର କୁମାର ରାଉତ ସବୁବେଳେ ପ୍ଲମିଂ ଟ୍ରେଡରେ କିଛି ବଡ ଧରଣର କରିବାର ସ୍ୱପ୍ନ ଦେଖୁଥିଲେ । ସେ ୨୦୧୫ - ୧୬ରେ ୨ ଶିକ୍ଷା ପରେ ସରକାରୀ ଆଇଟିଆଇ ବ୍ରହ୍ମପୁରରୁ ପ୍ଲମ୍ବିଂ ଟ୍ରେଡରେ ପ୍ରଶିକ୍ଷଣ ନେଲେ । ସେଠାରେ ପ୍ରଶିକ୍ଷଣ ଶେଷ ହେବା ପରେ ସେ ଜଣେ ସମ୍ପର୍କୀୟଙ୍କ ପ୍ଲମ୍ବିଂ ଦୋକାନରେ ରହି କାମ ... ଆରମ୍ଭ କଲେ । ସେଠାରୁ ସେ ବହୁତ କିଛି କାମ ଶିଖି ଯାଇଥିଲେ। ସେହି ଦିନ ଠାରୁ ନିଜର ବ୍ୟବସାୟ ଆରମ୍ଭ କରିବା ପାଇଁ ତାଙ୍କର ଆତ୍ମବିଶ୍ୱାସ ବଢିଲା। ତାଙ୍କର ଉଦ୍ୟୋଗୀ ହେବାର ସ୍ୱପ୍ନ ଏବଂ ଦୃଢ ପ୍ରତିଜ୍ଞା ଦେଖି ଆଇଟିଆଇ ବ୍ରହ୍ମପୁର ର ଅଧ୍ୟକ୍ଷ ତାଙ୍କ ନାମ ଓଡିଶା ଦକ୍ଷତା ବିକାଶ ପ୍ରାଧିକରଣ ଦ୍ୱାରା ପରିଚାଳିତ ନାନୋ ୟୁନିକର୍ଣ୍ଣ ପାଇଁ ସୁପାରିଶ କଲେ । ନାନୋ ୟୁନିକର୍ଣ୍ଣ ତାଲିମ ପରେ ସେ ଗୋଟିଏ ଦୋକାନ ଦେଖିଲେ ଯାହା ବିକ୍ରୀ ଉଦ୍ଦେଶ୍ୟରେ ଥିଲା, ସେହି ସୁଯୋଗ ହାତ ଛଡା ନ କରି ପବିତ୍ର ନାନୋ ୟୁନିକର୍ଣ୍ଣ ଯୋଜନା ସହାୟତାରେ ପାଇଥିବା ଅର୍ଥ ରାଶିରେ ସେହି ଦୋକାନଟିକୁ କିଣିଲେ । ସେ ପୂର୍ବରୁ ପାଇଥିବା ଅଭିଜ୍ଞତା ଏବଂ ଗ୍ରାହକଙ୍କ ସହ ଉତ୍ତମ ସଂପର୍କ ତାଙ୍କୁ ବ୍ୟବସାୟ ବଢାଇବାରେ ବହୁତ ସାହାଯ୍ୟ କରିଥିଲା । ତାଙ୍କ ୱର୍କସପର ନାମ “ମାଁ ତାରାତାରିଣୀ ପ୍ଲମ୍ବିଂ ଏଣ୍ଡ ଫିଟିଂ ସପ୍'' । ସେଠାରେ ସେ ବିଭିନ୍ନ ପ୍ରକାର ପ୍ଲମ୍ବିଂ ଫିଟିଙ୍ଗ ଓ ଅନ୍ୟାନ ସାମଗ୍ରୀ ରଖିଲେ। ସେହି ସାମଗ୍ରୀକୁ ସେ କ୍ଷୁଦ୍ର କାରୀଗର ମାନଙ୍କୁ ବିକ୍ରୀ କରୁଛନ୍ତି ଏବଂ ବିଭିନ୍ନ ତ୍ସ୍ଥାନରେ ପ୍ଲମ୍ବିଂ କାର୍ଯ୍ୟ ମଧ୍ୟ ହାତକୁ ନେଉଛନ୍ତି । ସେ ଜିଏସଟି ଅନୁସାରେ ନିଜର ହିସାବକିତାବ ରଖୁଛନ୍ତି । ପବିତ୍ର ପ୍ଲମ୍ବିଂ କ୍ଷେତ୍ରରେ ଗ୍ରାହକଙ୍କ ସମସ୍ତ ଚାହିଦା ପୂରଣ କରିବା ପାଇଁ ପାଞ୍ଚ ଜଣଙ୍କୁ ନିଯୁକ୍ତି ଦେଇଛନ୍ତି । ସେ ଉତ୍ତମ ଗ୍ରାହକ ସେବା ପ୍ରଦାନ ଏବଂ ନିଜ ଲକ୍ଷ୍ୟ ଦିଗରେ ନିରନ୍ତର ପ୍ରଚେଷ୍ଟା ଜାରି ରଖିଛନ୍ତି । ସେ ଭବିଷ୍ୟତରେ ପାଇପ ଏବଂ ସାନିଟାରୀ ଫିଟିଙ୍ଗର ଏକ ପାଇକାରୀ ବ୍ୟବସାୟ କରିବାକୁ ଲକ୍ଷ୍ୟ ରଖିଛନ୍ତି । ତାଙ୍କର ଦୃଢ ଇଛାଶକ୍ତି , ପ୍ରତିଜ୍ଞା ଏବଂ ଲକ୍ଷ୍ୟ ସ୍ଥଳରେ ପହଞ୍ଚିବାର ନିଶା ତାଙ୍କୁ ଜଣେ ସଫଳ ଉଦ୍ୟୋଗୀ କରାଇ ପାରିଛି ।
କପି ସଂରକ୍ଷିତ ©2021 ଓଡ଼ିଶା ଦକ୍ଷତା ବିକାଶ ପ୍ରାଧିକରଣ । ସମସ୍ତ ସତ୍ତ୍ବ ସଂରକ୍ଷିତ
