ବିଶ୍ଵ ଦକ୍ଷତା କେନ୍ଦ୍ର

ବିଶ୍ଵ ଦକ୍ଷତା କେନ୍ଦ୍ର

ବିଶ୍ଵ ଦକ୍ଷତା କେନ୍ଦ୍ରର ନିର୍ମାଣ କାର୍ଯ୍ୟ ଏସିଆନ୍ ଡେଭଲପମେଣ୍ଟ ବ୍ୟାଙ୍କର ଋଣ ଏବଂ ଆଇଟିଇଇଏସ, ସିଙ୍ଗାପୁରର ବୈଷୟିକ ସହାୟତାରେ ଚାଲୁଛି। ଏହା ଆଇଟିଆଇ ଏବଂ ପଲିଟେକନିକ୍ ଛାତ୍ରଛାତ୍ରୀଙ୍କ ପାଇଁ ଶ୍ରେଷ୍ଠ ଉତ୍କର୍ଷ କେନ୍ଦ୍ର ଭାବେ କାର୍ଯ୍ୟ କରିବ। ଜୁଲାଇ, ୨୦୨୦ରୁ ଆରମ୍ଭ ହେବାକୁଥିବା ଏହି କେନ୍ଦ୍ରରେ ଆଗାମୀ ୫ବର୍ଷ ମଧ୍ୟରେ ୧,୫୦,୦୦୦ ଛାତ୍ରଛାତ୍ରୀଙ୍କୁ କୁଶଳୀ କରିବା ଲକ୍ଷ୍ୟ ରହିଛି।

ଦେଶର ପ୍ରଥମ ବିଶ୍ଵ ଦକ୍ଷତା କେନ୍ଦ୍ର ଭୁବନେଶ୍ବରରେ ଏକ ନବନିର୍ମିତ ୧୮ ମହଲା କୋଠାରେ ଆରମ୍ଭ ହେବାକୁ ଯାଉଛି। ଡବ୍ଲୁ.ଏସ୍.ସି ଭଳି ଏ ପର୍ଯ୍ୟନ୍ତ ଦେଶରେ ଏମିତି କିଛି ହୋଇ ନାହିଁ, ଏହା ‘ସ୍କିଲ୍ଡ ଇନ ଓଡିଶାକୁ ’ ବିଶ୍ଵସ୍ତରୀୟ ବ୍ରାଣ୍ଡରେ ପରିଣତ କରିବ। ହେଲିପ୍ୟାଡ ସହିତ ୫ ଲକ୍ଷ ବର୍ଗ ଫୁଟ ଅଞ୍ଚଳରେ ପରିବ୍ୟାପ୍ତ ଅତ୍ୟାଧୁନିକ ଗ୍ଳାସ ଓ ଷ୍ଟିଲ ସୁବିଧା ସମ୍ପନ୍ନ ବିଶ୍ଵ ଦକ୍ଷତା କେନ୍ଦ୍ର ଉତ୍ପାଦନ ଓ ସେବା ଭଳି ଅଗ୍ରଣୀ କ୍ଷେତ୍ରରେ ଉନ୍ନତ ତାଲିମ ପ୍ରଦାନ କରିବ। ବିଶ୍ଵ ଦକ୍ଷତା କେନ୍ଦ୍ର ପ୍ରଶିକ୍ଷାର୍ଥୀଙ୍କୁ ଉତ୍ପାଦନ ଓ ସେବା କ୍ଷେତ୍ରରେ ଉନ୍ନତ କୌଶଳ ପ୍ରଶିକ୍ଷଣର ସୁଯୋଗ ପ୍ରଦାନ କରିବ। ଏଠାରେ ତାଲିମ ଗ୍ରହଣ କରିଥିବା ପ୍ରଶିକ୍ଷାର୍ଥୀଙ୍କୁ ଆନ୍ତର୍ଜାତୀୟ ଅଭିଜ୍ଞାତର ଲାଭ ମିଳିବ। ଏଠାରେ ଏକ ସ୍କିଲ ମ୍ୟୁଜିୟମ ଓ ଉନ୍ନତ ତାଲିମ ପାଇଁ ସବୁ ପ୍ରକାର ବ୍ୟବସ୍ଥା କରାଯିବ। ଆଇ.ଟି.ଇ ସିଙ୍ଗାପୁରକୁ ଏହାର ନଲେଜ ପାର୍ଟନର କରାଯାଇଛି।

ପ୍ରାଥମିକ ସ୍ତରରେ ବିଶ୍ଵ ଦକ୍ଷତା କେନ୍ଦ୍ର ୮ ଟି ଉନ୍ନତ କୌଶଳ ବିଭାଗରେ ତାଲିମ ପ୍ରଦାନ କରାଯିବ ଯଥା -

  • ମେକାନିକାଲ ଓ ପ୍ରଦ୍ୟୋଗିକ ସେବା ପାଇଁ ସୁବିଧା
  • ଆବାସୀୟ ଓ ବାଣିଜ୍ୟିକ ଶୀତ ତାପ ନିୟନ୍ତ୍ରଣର ପ୍ରଦ୍ୟୋଗିକ ସେବା ସୁବିଧା
  • କାର୍ଯ୍ୟକ୍ଷେତ୍ର ପରିବହନ ପାଇଁ ପ୍ରାଦ୍ୟୋଗିକ ସେବା
  • ମେକାଟ୍ରୋନିକ୍ସ
  • ସୂକ୍ଷ୍ମତା ଅଭିଯାନ୍ତ୍ରିକି
  • ଲଜିଷ୍ଟିକ୍ସ
  • ହେୟର ଫେସନ ଡିଜାଇନିଙ୍ଗ
  • ହେଲ୍ଥ ଆଣ୍ଡ ୱେଲନେସ

ପ୍ରଥମେ ପ୍ରତି ବିଭାଗରେ ୨୪୦ ଜଣ ଶିକ୍ଷାର୍ଥୀ ଏଥିରେ ନାମ ଲେଖାଇବେ। ଏହି ଶିକ୍ଷାର୍ଥୀ ଆଇ.ଟି.ଆଇରେ ଶିକ୍ଷା ପରେ ଏଥିରେ ସାମିଲ ହୋଇ ପାରିବେ ଏବଂ ଏଥିରେ ସାମିଲ ହେବା ପାଇଁ ପ୍ରବେଶିକା ପରୀକ୍ଷା ଦେବାକୁ ପଡିବ। ଏହା ଆବାସିକ ତାଲିମ ଓ ଆନ୍ତର୍ଜାତୀୟ ସ୍ତରର ପ୍ରଶିକ୍ଷକ ଏଥିରେ ତାଲିମ ପ୍ରଦାନ କରିବେ। ଏହା ଜୁଲାଈ ,୨୦୨୦ରୁ କାର୍ଯ୍ୟକ୍ଷମ ହେବ।

ଏହା କେବଳ ଯେ ବିଶ୍ଵ କୌଶଳ ମାନଚିତ୍ରରେ ଭୁବନେଶ୍ବରକୁ ସ୍ଵତନ୍ତ୍ର ସ୍ଥାନ ପ୍ରଦାନ କରିବ ତାହା ନୁହେଁ ବରଂ ଯୁବପିଢୀ ଓ ବିଶ୍ଵ ଅର୍ଥବ୍ୟବସ୍ଥାର ପ୍ରମୁଖ ଖେଳାଳି ମାନଙ୍କୁ ‘ସ୍କିଲ୍ଡ ଇନ ଓଡିଶା’ ବ୍ରାଣ୍ଡ ସହ ଯୋଡିବା ପାଇଁ ପ୍ରେରଣା ଯୋଗାଇବ।

ସ୍କିଲ ସିଟି ମଧ୍ୟରେ ବିଶ୍ଵ ଦକ୍ଷତା କେନ୍ଦ୍ର

world-skill-tower

କପି ସଂରକ୍ଷିତ ©2020 ଓଡ଼ିଶା ଦକ୍ଷତା ବିକାଶ ପ୍ରାଧିକରଣ । ସମସ୍ତ ସତ୍ତ୍ବ ସଂରକ୍ଷିତ

ପ୍ରଶ୍ନ ପଚାରନ୍ତୁ

ଆପଣଙ୍କ ପ୍ରଶ୍ନ ପଠାନ୍ତୁ