ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଓଡ଼ିଶା ସରକାର

ବିଶ୍ଵରେ ଇସ୍ପାତ, ଶକ୍ତି , ଖଣି ଖନନ ଏବଂ ଭିତ୍ତିଭୂମି କ୍ଷେତ୍ରରେ ଶ୍ରୀ ନବୀନ ଜିନ୍ଦଲଙ୍କ ଦ୍ଵାରା ପରିଚାଳିତ ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ ( ଜେସପିଏଲ) ଅନ୍ଯତମ ମୁଖ୍ୟ କମ୍ପାନୀ। ଭାରତରେ  ଛତିଶଗଡ, ଓଡ଼ିଶା ଏବଂ ଝାରଖଣ୍ଡରେ ଏହି କମ୍ପାନୀର ବ୍ଯବସାୟିକ କାରବାର ଅଛି।

ଜେସପିଏଲ କାର୍ଯ୍ୟ କରୁଥିବା ଅଞ୍ଚଳ ଗୁଡିକର ପରିପାର୍ଶ୍ଵିକ ବିକାଶପାଇଁ ନିରନ୍ତର କାର୍ଯ୍ୟ କରୁଥିବା ସହ ନୂଆ ନୂଆ ଚିନ୍ତାଧାରା ତଥା ଉଦ୍ଯୋଗୀ ମନୋଭାବ ଦ୍ଵାରା ଉପଲବ୍ଧ ରିସୋର୍ସ ର ସମ୍ପୂର୍ଣ ବ୍ୟବହାର କରିଥାଏ। ଏହାଦ୍ବାରା କମ୍ପାନୀ ଦକ୍ଷ ତଥା କୁଶଳୀ ବ୍ୟକ୍ତିଙ୍କର ଏକ ସମୂହ କରିବା ସହ ସେମାଙ୍କାଙ୍କ ସାହାଯ୍ୟରେ ଏହାର ବ୍ୟବସାୟକୁ ଆଗକୁ ବଢାଇଥାଏ।

ଘରୋଇ ବଜାରରେ ଜେସପିଏଲ ବ୍ୟବସାୟର ସଂପ୍ରସାରଣରେ ଓଡ଼ିଶା ଏକ ମୁଖ୍ୟ ଭୂମିକା ତୁଲାଇଛି। ଏବେ ସୁଦ୍ଧା ଓଡିଶାରେ ଏହା ଅନୁଗୋଳ, ଟେନ୍ସା ଏବଂ ବଡ଼ବିଲ ଠାରେ ଏହାର ପ୍ଳାଣ୍ଟ ସ୍ଥାପନ କରିସାରିଛି, ତ ମଧ୍ୟରୁ ଅନୁଗୋଳରେ ଥିବା ପ୍ଳାଣ୍ଟ ଟି ୬ ଏମଟିପିଏ ବିଶିଷ୍ଟ ସମନ୍ଵିତ ଗ୍ରୀନଫିଲ୍ଡ ଇସ୍ପାତ କାରଖାନା ଯାହାକି ‘ଭାରତରେ ନିର୍ମିତ’ ଡାକରା ଦିଗରେ ଏକ ପ୍ରମୁଖ ପଦକ୍ଷେପ।

ଜେସପିଏଲ ଏହାର ଓଡିଶାରେ ଥିବା ପ୍ଳାଣ୍ଟ ଗୁଡିକ ଉଭୟ ବୈଷୟିକ ତଥା ଅଣ-ବୈଷୟିକ କ୍ଷେତ୍ରରେ କାର୍ଯ୍ୟ କରିବା ପାଇଁ ଓଡିଶାରେ ଦକ୍ଷ ତଥା କୁଶଳୀ ମାନଙ୍କୁ ନିଯୁକ୍ତି ପ୍ରଦାନ କରିଛି। ଗତ କିଛି ମାସ ମଧ୍ୟରେ ଏହାରେ ଅନୁଗୋଳରେ ଥିବା ପ୍ଳାଣ୍ଟ ପାଇଁ ପାଖାପାଖି ୧୫୦ “ଓଡ଼ିଶାରେ ଦକ୍ଷ’ ପେଷାଦାରଙ୍କୁ  ତାଲିମ ଶିକ୍ଷାନବିଶ ଭାବେ ଗ୍ରହଣ କରିଛି। କମ୍ପାନୀର ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲଙ୍କ କହିବା ଅନୁସାରେ  ‘’ଓଡିଶାରେ କାମ କରିବାକୁ ଆଗ୍ରହ ରଖୁଥିବା ଏକ ବୃହତ କାର୍ଯ୍ଯବଳ ଅଛନ୍ତି ଯେଉଁ ମାନେ କମ୍ପାନୀର ଆବଶ୍ୟକତା ଅନୁଯାୟୀ କାମ କରିବାକୁ ସର୍ବଦା ତତ୍ପର। ଓଡିଶାର ସମସ୍ତ ପ୍ଲାଣ୍ଟରେ କାମକରୁଥିବା କର୍ମଚାରୀଙ୍କର ଦକ୍ଷତା,ନୈତିକତା ଏବଂ ସଂକଳ୍ପ ବହୁ ଉଚ୍ଚକୋଟୀର’। ଶ୍ରୀ ଜିନ୍ଦଲ ଆହୁରି ମଧ୍ୟ କହିଛନ୍ତିଯେ ‘’ଓଡିଶାର ଯୁବାବର୍ଗ ଦେଶରେ ସର୍ବଶ୍ରେଷ୍ଠ ଏବଂ ସେମାନନେ ବହୁ ମାତ୍ରାରେ ପ୍ରତିଯୋଗିତାମୂଳକ, ପ୍ରସଂଶନୀୟ ଏବଂ କରୁଥିବା କାମରେ ନିଜର ଶ୍ରେଷ୍ଠତା ପ୍ରତିପାଦିତ କରିଥାନ୍ତି’। 

ବର୍ତମାନ ରାଜ୍ୟରେ ଦକ୍ଷତା ବିକାଶ ର ମୁଖ୍ୟ ଲକ୍ଷ୍ଯ ଶିକ୍ଷାର୍ଥୀ ମାନଙ୍କୁ ବିଶ୍ଵ ସ୍ତରୀୟ ଟ୍ରେନିଂ ପ୍ରଦାନ କରିବା ଯାହା ଦ୍ଵାରା କି ନିଯୁକ୍ତିକାରୀଙ୍କ ଆବଶ୍ୟକତାକୁ ପୂରଣ କରିପାରୁଥିବ ବୋଲି ବୈଷୟିକ ଶିକ୍ଷା ଓ ପ୍ରଶିକ୍ଷଣ ନିର୍ଦେଶାଳୟ ର ନିର୍ଦେଶକ ଶ୍ରୀ ରେଘୁ ଜି ପ୍ରକାଶ କରିଛନ୍ତି।

କୌଣସି ବିଷୟରେ ଦକ୍ଷତା ପ୍ରତିପାଦନ କରିବାକୁ  ସେ ବିଷୟରେ ସବିଶେଷ ଜ୍ଞାନ ଏବଂ ବହୁ ସମୟ ଧରି ଅଭ୍ଯାସ କରିବା ଆବଶ୍ୟକ ବୋଲି ସେ ଭାବନ୍ତି। ବର୍ତମାନର କରୋନା କାଳରେ ଶ୍ରେଣୀଗୃହରେ ବସି ପାଠ ପଢିବା ସମ୍ଭବପର ହେଉନଥିବା ବେଳେ ଘରେ ବସି ଅନଲାଇନ ସାହାଯ୍ୟରେ ପାଠ ପଢିବାକୁ ସମସ୍ତେ ବାଧ୍ୟ ହେଉଛନ୍ତି। ତେଣୁ ବର୍ତମାନ ପରିପ୍ରେକ୍ଷୀରେ ସବୁଠାରୁ ବଡ ଚାଲେଞ୍ଜ ହେବ ଯେତେବେଳେ ଶିକ୍ଷାନୁଷ୍ଠାନ ଗୁଡିକ ଖୋଲିବ, ସେତେବେଳେ ଏହି ଶିକ୍ଷାର୍ଥୀ ମାନେ କେତେ ମାତ୍ରାରେ ପ୍ରାକ୍ଟିକାଲ ଶିକ୍ଷା ସହ ତାଳ ଦେଇ ପାରିବେ।

ରାଜ୍ୟରେ ଦକ୍ଷତା ବିକାଶ ଦିଗରେ ଗତ ୨-୩ ବର୍ଷରେ ହୋଇଥିବା ପରିବର୍ତନ ବିଷୟରେ କହିବାକୁ ଯାଇ ଶ୍ରୀ ରେଘୁ କୁହନ୍ତି ଯେ ଗତ କିଛି ବର୍ଷ ଧରି ଓଡିଶାରେ ଦ୍ରୁତଗତିରେ ଶିଳ୍ପାୟନର ବୃଦ୍ଧି ହୋଇଚାଲିଛି। ସେଥିନିମନ୍ତେ ଦକ୍ଷ ତଥା କୁଶଳୀ ବ୍ୟକ୍ତିଙ୍କ ଆବଶ୍ୟକତା ମଧ୍ୟ ବଢି ଚାଲିଛି, ଏହାକୁ ଆଖି ଆଗରେ ରଖି ଦକ୍ଷତା ନିର୍ଦେଷାଳୟ  ଏହାର ଶିକ୍ଷାର୍ଥୀ ମାନଙ୍କର ତାଲିମ ଉପରେ ଅଧିକ ଫୋକସ ଦେଉଛି।

ଓଡିଶା ଦକ୍ଷତା ବିକାଶ ପ୍ରାଧିକରଣ ଦ୍ଵାରା ଆରମ୍ଭ କରାଯାଇଥିବା ନାନୋ ଉନିକର୍ଣ ଯୋଜନା ଦ୍ଵାରା ରାଜ୍ୟର ବହୁତ ଯୁବ ଉଦ୍ଯୋଗୀ ହେବ ଦିଗରେ ପାଦ ବଢଉଛନ୍ତି ବୋଲି ସେ ଖୁସି ପ୍ରକାଶ କରିଛନ୍ତି।

ଶ୍ରୀ ରେଘୁଙ୍କ ମତରେ ଅଧିକରୁ ଅଧିକ ଝିଅ ମାନେ ନିଜର ସୁରକ୍ଷିତ ଭବିଷ୍ୟତ ପାଇଁ ଦକ୍ଷତା ବିକାଶକୁ କ୍ଯାରିୟର ଭାବେ ଗ୍ରହଣ କରିବା ଉଚିତ। ଆଜିକାଲି ଦଶମ ଶ୍ରେଣୀ ପାସ କଲା ପରେ ବହୁତ ଝିଅ ମାନେ ବୈଷୟିକ ଶିକ୍ଷାକୁ କ୍ଯାରିୟର ଭାବେ ଗ୍ରହଣ କରିବାକୁ ଉତ୍ସାହିତ କରିବା ପାଇଁ ନିର୍ଦେଶାଳୟ ‘ସୁଦକ୍ଷା’ ଯୋଜନା ଦ୍ଵାରା ପ୍ରଚଳନା କରିଛି ଯାହା ଦ୍ଵାରା ସେମାନେ ଛାତ୍ରୀ ବୃତ୍ତି ପାଇ ପାରିବେ। ଯୋଜନା ପ୍ରଣୟନ ହେବାର ୩ ବର୍ଷ ମଧ୍ୟରେ ଓଡିଶାର କୋଣ ଅନୁକୋଣ ତଥା ଉପାନ୍ତ ଅଞ୍ଚଳରୁ ଝିଅ ମାନେ କେବକା ଦକ୍ଷତା ଶିକ୍ଷା କୁ କ୍ଯାରିୟର ଭାବେ ଗ୍ରହଣ କରିନାହାନ୍ତି, ସେମାନେ ଆଜି ଯାଏ ଯେଉଁ କାର୍ଯ୍ୟଗୁଡିକ  ପୁରୁଷକୈନ୍ଦ୍ରିକ ଥିଲା, ସେପରି କାର୍ଯ୍ୟ ମଧ୍ୟ ସୂଚାରୁ ରୂପେ କରିପାରୁଛନ୍ତି।

ଗତ ଜୁଲାଇ ମାସରେ ଦକ୍ଷତା ନିର୍ଦେଶାଳୟ ଦ୍ଵାରା ବିଶ୍ଵର ତଥା ଦେଶର ପ୍ରମୁଖ ଅନୁଷ୍ଠାନ ଗୁଡିକ ସହିତ ଦକ୍ଷତା ବିକାଶ ପାଇଁ ସ୍ବାକ୍ଷରିତ ହୋଇଥିବା ବୁଝାମଣା ପତ୍ର ଗୁଡିକୁ ନେଇ ସେ ଯଥେଷ୍ଟ ଆଶାବାଦୀ  ଅଛନ୍ତି ବୋଲି ଶ୍ରୀ ରେଘୁ କହିଛନ୍ତି। କୋରସେରା, ମିଳିତ ଜାତିସଂଘର ମହିଳା ବିକାଶ , ଟାଇମସ ପ୍ରୋ ସହିତ ଏସଏପି- ଇଆରପି (SAP-ERP) ତଥା ସ୍ୟାକ ରୋବୋଟିକ୍ସ ସହିତ ହୋଇଥିବା ବୁଝାମଣା ରାଜ୍ୟରେ ଦକ୍ଷତା ତାଲିମ ନେଉଥିବା ଯୁବାବର୍ଗଙ୍କୁ ଦେଶରେ ନିରନ୍ତର ପରିବର୍ତ୍ତିତ ହେଉଥିବା ଦକ୍ଷତା କ୍ଷେତ୍ରରେ ନିଜର ପାରଦର୍ଶିତା ପ୍ରଦର୍ଶନ କରିବାକୁ ସାହାଜ୍ଯ କରିବା ବୋଲି ସେ କହିଛନ୍ତି।

ସରକାରୀ ଆଇଟିଆଇ , ହୀରାକୁଦ

୧୯୫୬ ମସିହାରେ ପ୍ରତିଷ୍ଠିତ ଆଇଟିଆଇ ହୀରାକୁଦ ରାଜ୍ୟର ପୁରାତନ ଶିଲ୍ପ ତାଲିମ ପ୍ରତିଷ୍ଠାନ ମଧ୍ୟରୁ ଅନ୍ଯତମ। ଏହି ଆଇଟିଆଇ ପଶ୍ଚିମ ଓଡିଶାର ଯୁବବର୍ଗଙ୍କ ଦକ୍ଷତା ବୃଦ୍ଧି କରିବାରେ ପ୍ରମୁଖ ଭୂମିକା ତୁଲାଇ ଥାଏ।

ଏହି ଅନୁଷ୍ଠାନକୁ ଭାରତ ସରକାରଙ୍କ MOLE DGE&T, ଦ୍ଵାରା ୨୦୦୬-୦୭ ରେ ଉତ୍କର୍ଷତା କେନ୍ଦ୍ରର ମାନ୍ୟତା ମିଳିଥିଲା। ରାଜ୍ୟରେ ବିଶ୍ଵ ସ୍ତରୀୟ କୁଶଳୀ କର୍ମଜୀବି ସୃଷ୍ଟି କରିବା ପାଇଁ ୨୦୦୬-୦୭ ମସିହାରେ ଏହି ଆଇଟିଆଇକୁ ଏକ ଧନ୍ଦାମୂଳକ ତାଲିମ ଉନ୍ନତି ପ୍ରୋଜେକ୍ଟ ନିମନ୍ତେ ବିଶ୍ଵବ୍ଯାଙ୍କ ତରଫରୁ ଏକ ସହାୟତା ପ୍ରଦାନ କରଯାଇଥିଲା। ଏହି ପ୍ରକଳ୍ପ ଅଧୀନରେ ଅନୁଷ୍ଠାନ ଦ୍ଵାରା  ୨ ବର୍ଷର ପ୍ରୋସେସ୍ ପ୍ଳାଣ୍ଟ ରକ୍ଷଣାବେକ୍ଷଣ ତାଲିମ୍ ପାଠ୍ୟକ୍ରମ ଆରମ୍ଭ କରାଯାଇଛି ଯାହାକି , ଯାହା ଏହି ଆଇଟିଆଇର ଶିକ୍ଷାର ମାନକୁ ବୃଦ୍ଧି କରିବାରେ ସାହାଯ୍ୟ କରିଛି।

ଏହି ଆଇଟିଆଇରେ ବିନା ମୂଲ୍ଯରେ କେନ୍ଦ୍ର ସରକାରଙ୍କର ଦକ୍ଷତା ବିକାଶ କାର୍ଯ୍ୟକ୍ରମ ଅଧୀନରେ ପ୍ରାରମ୍ଭିକ କମ୍ପୁଟର ଜ୍ଞାନ, ଟ୍ଯାଲୀ, କମ୍ପୁଟର ହାର୍ଡୱାର, ୱେବପେଜ ଡିଜାଇନ, ସାଧାରଣ ଇଲେକ୍ଟ୍ରୋନିକ୍ସ, ମୋବାଇଲ ରିପାରିଙ୍ଗ, ସିଲେଇ ଶିକ୍ଷା ଆଦି ପରି ଅନେକ ପାଠ୍ୟକ୍ରମ ଶିକ୍ଷା ପ୍ରଦାନ କରାଯାଏ। ବର୍ତ୍ତମାନ ଆଇଟିଆଇରେ ୧୪ଟି ପାଠ୍ୟକ୍ରମ  ଅଧୀନରେ ପାଖାପାଖି ୧୧୦୦ ଶିକ୍ଷାର୍ଥୀ ପାଠ ପଢୁଛନ୍ତି।

ଏହି ଆଇଆଟିଆଇରେ ଶିକ୍ଷାଦାନ ଛଡା ଅନ୍ଯାନ୍ଯ ସୃଜନାତ୍ମକ କାର୍ଯ୍ୟକ୍ରମ ଯଥା କ୍ରୀଡା, ତର୍କ ତଥା ସେମିନାର, ସାଂସ୍କୃତିକ କାର୍ଯ୍ୟକ୍ରମ  ଆଦି ଉପରେ ନଜର ଦେବା ସହ ଶିକ୍ଷାର୍ଥୀଙ୍କ ସାମୁହିକ ବିକାଶ ଉପରେ ମଧ୍ୟ ଗୁରୁତ୍ତ୍ଵ ପ୍ରଦାନ କରିଥାଏ।

ଗତ କିଛି ମାସ ଧରି ବିଶ୍ବରେ ସୃଷ୍ଟି ହେଇଥିବା କରୋନା ମହାମାରି ସମୟରେ ଏହାର ପ୍ରସାରକୁ ରୋକିବା ପାଇଁ ଆଇଟିଆଇ ହୀରାକୁଦ ଦ୍ଵାରା ଅବ୍ୟବହୃତ ବସ୍ତୁରେ ଫୁଟ ଅପରେଟେଡ ୱାଶ ବେସିନ ପ୍ରସ୍ତୁତ କରି ହୀରାକୁଦ ସହରର ବିଭିନ୍ନ ସ୍ଥାନରେ ସ୍ଥାପନ କରିଛି। ଏହା ବାଦ ଆଇଟିଆଇର କର୍ମକର୍ତ୍ତାଙ୍କ ଦ୍ଵାରା ୧୦୦୦ଟି ଫେସ ଶିଲ୍ଡ ତିଆରି କରି ଜିଲ୍ଲା ପ୍ରଶାସନକୁ ପ୍ରଦାନ କରିଛନ୍ତି।

ରାଜ୍ୟର ୪୯ ସରକାରୀ ଆଇଟିଆଇ ଶିକ୍ଷାର୍ଥୀ ମାନଙ୍କ ମାନଙ୍କର ଅନ୍ତର୍ନିହିତ ଦକ୍ଷତା ତଥା ଲାଇଫ  ସ୍କିଲ ଶିକ୍ଷା ଦେବା ପାଇଁ ଟାଟା ଟ୍ରଷ୍ଟ ଦ୍ଵାରା ସ୍ଥାପିତ ଦକ୍ଷତା ବିକାଶ ଉଦ୍ୟମ ,ଟାଟା ଷ୍ଟ୍ରାଇଭକୁ  ଓଡିଶା ଦକ୍ଷତା ବିକାଶ ପ୍ରାଧିକରଣ ଦାୟିତ୍ଵ ଦେଇଛନ୍ତି।   

ଟାଟା ଷ୍ଟାଇଭ ଦକ୍ଷତା ପ୍ରଶିକ୍ଷାର୍ଥୀମାନଙ୍କୁ କର୍ମ ଜୀବନର ସର୍ବାଙ୍ଗୀନ ଉନ୍ନତି ପାଇଁ ପ୍ରଶିକ୍ଷଣ ଦେବା ସହ ବିଭିନ୍ନ ଶିଳ୍ପ ସଂସ୍ଥା ତଥା ଆର୍ନ୍ତଜାତୀୟ ସ୍ତରରେ ନିଯୁକ୍ତି ଯୋଗ୍ୟ ପାରିବ ପାଇଁ ସାହାଯ୍ୟ କରୁଛି।ନାନୋ ୟୁନିକର୍ଣ ମାଧ୍ୟମରେ ଉଦ୍ଯୋଗୀ ସୃଷ୍ଟି କରିବା କ୍ଷେତ୍ରରେ ରାଜ୍ୟର ଆଇଟିଆଇ ମାନଙ୍କୁ ସାହାଯ୍ୟ କରୁଛି। ଟାଟା ଷ୍ଟ୍ରାଇଭ ପରିବର୍ତନର ସୂତ୍ରଧର ବା ଚେଞ୍ଜ ଲିଡ଼ରଙ୍କ ସହାୟତାରେ  ଶିକ୍ଷାର୍ଥୀ ମାନଙ୍କର ଶିକ୍ଷାର ଗୁଣାତ୍ମକ ମନ ପ୍ରଦାନ କରିବା ନିମନ୍ତେ ନିରନ୍ତର କାର୍ଯ୍ୟ ଜାରି ରଖିଛି,।ଏଥିପାଇଁ ୮୮ ଜଣ ଚେଞ୍ଜ ଲିଡ଼ରକୁ ରାଜ୍ୟରେ ଥିବା ୪୯ଟି ଆଇଟିଆଇରେ ନିଯୁକ୍ତ କରାଯାଇଛି । ଏହା ଛଡା ଟାଟା ଷ୍ଟାଇଭ ପକ୍ଷରୁ ଭୁବନେଶ୍ବର ଠାରେ ଏକ ପ୍ରକଳ୍ପ ପରିଚାଳନା ୟୁନିଟ ମଧ୍ୟ ସ୍ଥାପନ କରାଯାଇଛି। କେନ୍ଦ୍ରିୟ ଅନୁମୋଦନ ପ୍ରାପ୍ତ ଦକ୍ଷତା ଭିତ୍ତିକ କର୍ମସଂସ୍ଥାନ ପାଠ୍ୟକ୍ରମକୁ ଓଡିଶାରେ ପ୍ରଚାଳନ ପାଇଁ ପ୍ରଥମ ଥର ପାଇଁ ରାଜ୍ୟ ସରକାରଙ୍କ ଦ୍ଵାରା ଏହି ପଦକ୍ଷେପ ନିଆ ଯାଇଛି।

କାରୋନା ମହାମାରୀ ସମୟରେ ଶିକ୍ଷାନୁଷ୍ଠାନ ଗୁଡିକରେ ପାଠପଢା ଏକ ସମସ୍ଯା ରୂପେ ଦେଖା ଦେଇଥିବା ବେଳେ , ଏହାର ଚେଞ୍ଜ ଲିଡର ମାନେ  ଛାତ୍ର ଛାତ୍ରୀ ମାନଙ୍କୁ ଅନ୍ ଲାଇନ ମାଧ୍ୟମରେ ପଢିବାରେ ସାହାଯ୍ୟ,  ଯେଉଁ ସ୍ଥାନ ମାନଙ୍କରେ ମୋବାଇଲ ନେଟୱର୍କ ମିଳିବ କଷ୍ଟକର , ସେହି ଅଞ୍ଚଳରେ ବସବାସ କରୁଥିବା ଶିକ୍ଷାର୍ଥୀ ମାନଙ୍କୁ ହାତ ଲେଖା ନୋଟ ଆଦି ପ୍ରଦାନ କରିବାରେ  ସହାୟକ ହୋଇଥିଲେ।।ଡିଜିଟାଲ ପ୍ଲାଟଫର୍ମ ଦ୍ଵାରା ଶିକ୍ଷକ ଓ ଅଭିଭାବକଙ୍କ ଯୋଗାଯୋଗ ଭଳି ଏକ ସ୍ଵତନ୍ତ୍ର ପ୍ରଚେଷ୍ଟା ମଧ୍ୟ ଟାଟା ଷ୍ଟାଇଭ ଦ୍ଵାରା ହାତକୁ ନିଆଯାଇଛି। ଏକ ବିଶ୍ଵ ସ୍ତରୀୟ ଦୃଷ୍ଟି କୋଣ ପ୍ରଦାନ କରିବା ପାଇଁ ଭିଡିଓ କନଫରେନ୍ସ ମାଧ୍ୟମରେ ଏହା ଆନ୍ତର୍ଜାତିକ ଅତିଥିଙ୍କୁ  ଶିକ୍ଷାର୍ଥୀ ମାନଙ୍କ ସହିତ ସଂଯୋଗ କରିବା ପାଇଁ ପଦକ୍ଷେପ ଦେଇଛି।

ଏହା ବାଦ ଶିକ୍ଷାର୍ଥୀ ମାନଙ୍କର ସାମୁହିକ ଉନ୍ନତ୍ତି ପାଇଁ ଟାଟା ଷ୍ଟାଇଭ ବିଭିନ୍ନ ଆନ୍ତର୍ଜାତିକ ଦିବସ ପାଳନ କରିବା ସହ ଦୌଡକୁଦ, ସାଧାରଣ ଜ୍ଞାନ ପ୍ରତିଯୋଗୀତା ଆଦି ଆୟୋଜନ କରିଥାନ୍ତି।